Křižowka (19.12.25)
Jeli pytane słowa 1–9 prawje wuhódaće, wučitaće z wonkowneju rjadow Budyski wobchod
1 přiwuzny, 2 němskaj bratraj-spisowaćelej, 3 urbi et ..., 4 muske předmjeno (Wałęsa), 5 sicilski wulkan, 6 běži do Ryna, 7 Jan jendźelsce, 8 literarne pojednanje, 9 piće
Pokiwy (19.12.25)
Dary w poslednim wokomiku
Budyšin. Wšitkim, kotřiž hišće za kmanym hodownym darom pytaja, poskićuje młodźina Budyskeje ewangelskeje wosady swj. Pětra njedźelu, štwórteho adwenta, Last minute-wiki na dworje zetkawanišća TiK na Hornčerskej. Wot 14 do 18 hodź. předawaja regionalni wikowarjo ručnodźěłane unikaty z drjewa abo keramiki kaž tež ćišće, wudźěłki z płata abo plećeniny. Zastup je darmotny.
Złoty jubilej pišćelow
Šěrachow. Katolska wosada w Šěrachowje swjeći zajutřišim, njedźelu, 50. róčnicu poswjećenja swojich pišćelow. W 17 hodź. wobrubitaj organist Hans Christian Martin a cyrkwinski chór pod nawodom Bernadette Schmid nyšpor we wosadnej cyrkwi z twórbami mjez druhim Franza Liszta, Wolfganga Amadeusa Mozarta a Alana Wilsona. Zastup je darmotny. Swjedźenski spis wo stawiznach pišćelow přewostaja zajimcam za pjenježny dar po swójskim dobrozdaću.
Hudźba za pišćele a bijadło
Rozhłós (19.12.25)
Njedźelu hornjoserbsce
11:00 Łužica tutón tydźeń
11:15 Pyšny adwent w Hórkach
11:25 „WWW-special“ (300.)
11:45 Adwentne woknješko: „Zakuzłane dźěćetko“ (4.)
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z přinoškom wo přihotach na přichodny Zorja-kurs
13:00 Tematiske wusyłanje: Hodowna dekoracija
13:40 Nabožne wusyłanje
(Christiana Piniekowa)
po tym zbožopřeća
Muzealne detaile
Muzejowa wjes na Lědach steji w srjedźišću přichodneho telewizijneho magacina Łužyca. Wona skići „jězbu do swěta słowjanskich prjedownikow“ z tójšto detailemi, kiž su hakle na druhi pohlad spóznajomne a kotrež moderator Christian Matthée přihladowarjam předstaji. Dalšej přinoškaj wěnuja dźěłarničce SorbIT a „serbskemu wołtarjej“ w Złokomorowskej cyrkwi Pětra a Pawoła. Nimo toho portretuja we wobłuku rubriki „Łužyca w rozgronje“ Willyja Gusora ze Žylowa, kotryž woswjeći lětsa 97. narodniny.
Telewizija RBB wusyła Łužycu jutře, sobotu, w 13.10 hodź. Wospjetowanje na samsnym sćelaku slěduje zajutřišim, njedźelu, w 7.20 hodź. W mediatece ARD je aktualny magacin wot jutřišeho cyłe lěto kóždy čas přistupny.
Do kina (17.12.25)
18.12. –24.12.2025
Budyski filmowy palast:
Pokiwy (12.12.25)
Žitawske zynki w Budyšinje
Budyšin. Towarstwo Dźěłań dźeń zakónči dźensa, pjatk, pod hesłom „Letzteres*2025“ swój lětuši rjad małowuměłstwa a hudźby. Wot 19 hodź. wustupja w „dobrej jstwě“ hosćićela na Budyskej Sukelnskej multiinstrumentalist This will confuse you, rytmikar Cymatic lights a skupina Cur. Wšitcy pochadźeja ze Žitawy, jich hudźba pak njemóhła rozdźělniša być. Tak zaklinča melancholiska měšeńca žanrow post punk a shoegaze, sferisko-hypnotiske elektroniske zynki kaž tež melanž emo- a hardcore. Zastup je darmotny, dary pak so njewotpokazuja.
Kabaret w kulturnym centrumje
Slepo. Kabaretistka Frau Andrea předstaji dźensa, pjatk, swój aktualny program „Starke Weiber dürfen mehr!“ w Serbskim kulturnym centrumje Slepo. Wona wěnuje so „wšemu kołowokoło mandźelstwa, dietow a amurozneho chwatka a šmjatka, a to z wulkej wutrobu a hišće wjetšej hubu“. Zarjadowanje započnje so w 19.30 hodź., zastup při wječornej kasy płaći 22,50 eurow.
Bach, Demessieux, Brojer a wjac
Słowo tworić (12.12.25)
Rozhłós (12.12.25)
Njedźelu hornjoserbsce
11:00 Łužica tutón tydźeń
11:15 Pyšny adwent w Radworju
11:25 Instrument lěta 2025: Hłós
11:45 Adwentne woknješko: „Zakuzłane dźěćetko“
12:00 Nabožne wusyłanje
(Beno Jakubaš)
po tym zbožopřeća
delnjoserbsce
12:30 Aktualny magacin, mjez druhim z přinoškom „Absolwentce serbskego ceptaŕskego studiuma“
13:00 Tematiske wusyłanje: „Sławne gódowne muziki“
13:40 Nabožne wusyłanje
(Bernd Pittkunings)
po tym zbožopřeća
Do kina (11.12.25)
11.12. –17.12.2025
Budyski filmowy palast:
Pokiwy (05.12.25)
Chór Židźino zaspěwa
Narć/Bórkhamor. Lětuši adwent wobohaća chór Židźino zaso z někotrymi koncertami a wustupami. Dźensa, pjatk, koncertuje wot 19 hodź. w Narću w byrgarskim domje. Jutře, na swj. Mikławša, wustupi w 16 hodź. w cyrkwi w Bórkhamorje. Swój posledni lětuši wustup změje chór sobotu, 13. decembra, we 18 hodź. w „Starej šuli“ w Židźinom. Program wobsahuje nimo adwentnych a hodownych spěwow ze serbsko-němskeje domizny tež pěsnje z europskeho wukraja. Dale poda so z hosćimi spěwajo do Južneje Ameriki a samo do Afriki.
Łužiscy wuměłcy wustajeja
Budyšin. Galerija Budissin prezentuje wot dźensnišeho pjatka hač do 9. januara 2026 wospjet wustajeńcu pod hesłom „Wuměłstwo zběrać a darić“. Přehladka wopřijima eksponaty mjez druhim Iris Brankačkoweje, Maje Nageloweje, Eberharda Petersa, Borbory Wiesnerec, Jürgena Maćija, Jutty Mirtschin a Isy Bryccyneje. Wernisaža započnje so w 19 hodź. z witanjom Tanje Böhme. Malte a Matthias Hübner wobrubitaj zarjadowanje na huslach resp. cellu z kompozicijemi Jana Cyža.
Z lěsnej železnicu k rumpodichej
