Přewrót we Wuhladku

Freitag, 09. Oktober 2020 geschrieben von:
Budyšin. 30. róčnica zjednoćenja Němskeje budźe jedna z temow přichodneho hornjoserbskeho telewizijneho ma­ga­ci­na Wuhladko jutře, sobotu, w 11.45 hodź. na sćelaku MDR. 3. oktobra 1990 skónči so wobstaće NDR a Němska bě zaso­ jedyn stat. W Berlinje swjećachu staty­sacy znowazjednoćenje Němskeje, mjez nimi tež někotři Serbja z Łužicy. Wuhladko dopo­mina na historiski wokomik před 30 lětami kaž tež na wichorojte lěto 1990. Dale rozprawjeja wo wjesnym towar­stwje Domizna. Wone je lětsa znowa wubědźowanje wo najrjeńšu žnjowu krónu Sakskeje dobyło. Nimo toho předstaja Chrystu Meškankowu, lawreatku lětu­šeho Myta Zejlerja, kotrež hód­noći jeje čas žiwjenja trajacy angažement za serbsku rěč. Chrysta Meškankowa na­zor­nje pokazuje, kak samozrozumliwje hodźi so serbšćina w kulturje a wědomosći, w cyrkwinskim žiwjenju a swójbje pěstować. Wuhladko wospjetuja tohorunja jutře, sobotu, w 13.30 hodź. w telewiziji RBB a póndźelu, 12. oktobra, w 6.10 hodź. w sćelaku MDR.

Kula Bula we Łužycy

Freitag, 18. September 2020 geschrieben von:
Choćebuz (SN). Kaž kóždu třeću sobotu měsaca wusyłaja jutře, 19. septembra, w 13.25 hodź. w telewiziji RBB delnjoserbski magacin Łužyca. Tónkróć wita moderator wusyłanja Christian Matthée přihladowarjow z Janšojskeho Serbsko-němskeho domizniskeho muzeja. Wšako wěnuja so w přinošku k lětušim muzejowym nocam Łužiskeho muzejoweho kraja. Nimo Choćebuskeho Serbskeho domu předstaja w magacinje kapału ­Kula Bula. Hudźbnicy wokoło spěwarja ­Geralda Schöna zamóža připosłucharjow přeco zaso zahorjeć a k sobuplacanju ­pohnuwać.

Předstaja nowe studijo

Freitag, 04. September 2020 geschrieben von:
Budyšin. Nowe studijo Srjedźoněmskeho rozhłosa w Budyšinje budźe jedna z temow přichodneho hornjoserbskeho telewizijneho magacina Wuhladko jutře, sobotu, w 11.45 hodź. na sćelaku MDR. Po wjace hač třoch lětdźesatkach w Serbskim domje přećehnje studijo MDR a z nim­ tež Serbski rozhłós do twarjenja Němskeho pósta. Dalša tema budu serbscy darićeljo rodowych bańkow. Před něšto­ lětami běchu hižo raz Serba při darje­nju rodowych bańkow přewodźeli. Nětko su dalšeho Serba za tónle proces wuzwolili, kotryž zamóže druhim ludźom žiwjenje wuchować. A skónčnje předstaja Bjarnata Nowaka. 95lětny słuša k wusahowacym a runje tak horco diskutowanym wosobinam we Łužicy.

Wusyłaja z Raduša

Freitag, 14. August 2020 geschrieben von:
Choćebuz. Wosrjedź lěta je mustwo delnjo­serbskeho telewizijneho magacina Łužyca wězo wonka po puću a poda so na historiske njewšědne městno, Radušanske hrodźišćo. Wone je jedne ze 40 něhdyšich typiskich kulowatych nasypow regiona, nastatych w 9. a 10. lětstotku. Čemu hrodźišća słužachu, štó na nich bydleše, što su tam nama­kali? Na to a na dal­še prašenja wotmołwja cyle nowa a předźěłana wustajeńca na Radu­šanskim hrodźišću, kotraž je tam wot 28. awgusta přistupna. Mode­rator Łužycy Christian Matthée je so wo njej­ ze šef­restawratorom na městnje rozmołwjał. Přihladowarjo tuž jako prěni zhonja, kajki­ je koncept přehladki a na čo móža so wjeselić. Delnjoserbski magacin wu­syła telewizija RBB jutře, 15. awgusta, wot 13.40 do 14.10 hodź.

Malink rozžohnowany

Freitag, 31. Juli 2020 geschrieben von:
Budyšin (SN). Po 37 lětach słužby jako ewangelski farar w Hrodźišću a Budyšinje je so Jan Malink na wuměnk rozžohnował. 17 lět bě wón zdobom Serbski superintendent a z tak centralna figura cyrkwinskeho žiwjenja ewangelskich Serbow. Nimo toho je Jan Malink tež politi­sce skutkował, wosebje w času měrliweje rewolucije. A ze zahoritosću slědźi wo serbskich stawiznach a zajimawych wosobinach. Jedna to z temow Wuhladka, kotrež telewizija MDR jutře, 1. awgusta, w 11.45 hodź. wusyła. Magacin wěnuje so tež zwonej za texaski Serbin, a widźeć budźe přinošk wo měrliwej rewoluciji w Serbach. Što činja lěsni dźěłaćerjo, zo bychu chore štomy z lěsa zwozyli a rozšěrjenju skórnika zadźěwali – je dal­ša tema Wuhladka, kotrež budźe potom tež w mediatece MDR přistupne.

Wo fararju Šwjeli

Freitag, 17. Juli 2020 geschrieben von:
Choćebuz (SN). W julijskim wusyłanju delnjoserbskeho telewizijneho magacina Łužyca wita moderator Christian Matthée přihladowarjow z Dešna. W tutej błótowskej wsy bydleše farar Bogumił Šwjela, horjacy so za zachowanje serbskeje rěče.­ Žiwjenje a skutkowanje serbskeho wótčinca stej jedyn z přinoškow poł­hodźinskeho programa. Wopytali su filmowcy tež Dešnjanski Domizniski muzej, w kotrymž po modernizaciji cyle nowu wustajeńcu prezentuja. Wosrjedź lětnich prózdnin w Braniborskej zhladuje Łužyca na minjene šulske lěto w Cho­ćebuskim Delnjoserbskim gymnaziju. Bě dźě to wosebity čas: z nošenjom nahubnika a z dodźerženjom wotstawka. Kak su wučerjo a šulerjo serbski wučbny narok zmištrowali, zhonja zajimcy jutře, 18. julija, w 13.30 hodź. w telewiziji RBB.

Serbski tydźeń

Freitag, 17. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku temoweho tydźenja. Jako wosebity serwis skedźbnjamy čitarjow tule na zbywace wusyłanja:

Dźensa, 17. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju w tel. wusyłanju MDR Sachsenspiegel

Jutře, 18. julija:

9:05 7. dźěl swójbneje serije „Spreewaldfamilie“, w telewiziji MDR

19:00 Přinošk wo serbskim žiwjenju, w tel. wusyłanju MDR Sachsenspiegel

Serbski tydźeń

Donnerstag, 16. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku temoweho tydźenja. Jako wosebity serwis skedźbnjamy čitarjow tule na přichodne wusyłanja:

Dźensa, 16. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju MDR Sachsenspiegel

Jutře, 17. julija:

8:50 6. dźěl swójbneje serije „Spreewaldfamilie“, w telewiziji MDR

14:30 Live-reportaže z Olenku Pilz ze serbskich wsow a gmejnow, w telewiziji MDR (tež 16:25)

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju MDR Sachsenspiegel

Serbski tydźeń

Mittwoch, 15. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku temoweho tydźenja. Jako wosebity serwis skedźbnjamy čitarjow tule na přichodne wusyłanja:

Dźensa, 15. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju Sachsenspiegel

Jutře, 16. julija:

8:50 5. dźěl swójbneje serije „Spreewaldfamilie“, w telewiziji MDR

14:30 Live-reportaže z Olenku Pilz ze serbskich wsow a gmejnow, w telewiziji MDR (tež 16:25)

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. wusyłanju MDR Sachsenspiegel

Serbski tydźeń

Dienstag, 14. Juli 2020 geschrieben von:

Hač do soboty, 18. julija, wusyła sćelak MDR přinoški wo serbskich naležnosćach we wobłuku wosebiteho temoweho tydźenja. Jako wosebity serwis skedźbnjamy tule swojich čitarjow na přichodne telewizijne wusyłanja:

Dźensa, 14. julija:

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. magacinje Sachsenspiegel

22:50 Film wo biskopje Benu „Der ewige Pilger – Bischof Benno von Meißen“

Jutře, 15. julija:

8:45 4. dźěl swójbneje serije „Spreewaldfamilie“

14:30 Live-reportaže z Olenku Pilz ze serbskich wsow a gmejnow (tež w 16.25 hodź.)

17:45 Na slědach Serbow w Čěskej, w tel. magacinje MDR Aktuell

19:00 Přinošk wo serbskim žiwjenju, w tel. magacinje Sachsenspiegel

Anzeige