Aus der aktuellen Ausgabe vom Freitag, 14 Januar 2022

Weteran NDRskeje sceny čita

Zły Komorow. „Kultowy“ awtor Alexander Kühne, předewšěm znaty swo­jeho romana „Düsterbusch City Lights“ dla, prezentuje zajutřišim, 16. januara, w rjedźe „Złokomorowske čitanje“ swoju nowostku „Kummer im Westen“. Kniha wobswětla čas krótko po politiskim přewró­će, jako „miliony ludźi połni nadźije a starosćow wo lěpšim přichodźe sonjachu“, kaž awtor swoju jako pokro­čowanski roman koncipowanu publikaciju wopisuje. Čitanje na jewišću Złokomorowskeho Noweho jewišća započnje so w 19 hodź., zastup płaći dźesać eurow na dorosćeneho resp. wosom eurow w potuńšenju.

Serbske wukubłanje JULEICA

Testowej hrě Energije

Bjez přihladowarjow (staw dźensa 12 hodź.) přewjedźe regionalny koparski ligist­ FC Energija Choćebuz jutře testowu hru doma přećiwo wyšemu ligistej Hertha Zehlendorf. Generalka do starta ligi budźe 21. januara pola ligoweho konkurenta Hertha BSC II w Berlinje.

Pytaja koparja lěta

26 króć je mustwo FC Energije Choćebuz w kalendariskim lěće hrało a cyłkownje 30 koparjow zasadźiło. Nětko móža přiwisnicy FCE w interneće hač do 31. januara „koparja lěta FC Energije“ wolić.

Bórze kónc megapochoda

Lětuši wirtuelny megapochod wobornikow hodźi so hišće hač do 22. januara indiwiduelnje přewjesć. Zarjadowarjo a wuhotowarjo wokoło Haralda Skopija (Dobrowólna wohnjowa wobora Narć), Roberta Noveho (Wjesny předstejićer Narća)­ a Diany Franke-Skopi přewjedu darowanski pochod po łužiskim rewěrje. Jedna so tu wo ćah wuchowanskich mocow,­ kotrež zběraja pjenjezy za chore dźěći. Wšitke informacije za 112 kilo­metrow dołhi pochod bjez wubědźo­wanskeho charaktera steja na . Přizjewjenja za jednotliwcow a skupiny su pod móžne.

Lodohokej zaso z fanami

1 humoristiski, 2 pandemija, 3 wid, 4 wuraz z kartyplacanja, 5 nic wusko, 6 Klopfen zeserbšćene, 7 hudźbny cyłk, 8 nic pomały, 9 kopc z parkom w Praze

Tež jutřiši jolka-swjedźeń budźe znowa hinaši hač zwučeny. Na internetnej stronje budu zajimcy program ­po Chróšćanskich wječornych kemšach na wobrazowce sćěhować a sej při tym słódnosće ze swinjorězanja słodźeć dać móc, ­su-li je do toho skazali. Kołbasy a wšo druhe su wčera wječor na Wjeselic statoku w Chrósćicach přihotowali. Foto: Feliks Haza

We Wojerowskim Domje zetkawanja je mjez­ druhim zaměstnjena měšćanska tafla, kotraž potrěbnym pomha. Runj­e tam pak so nastajnosći njeznaći zadobywaja.

Wojerecy (SiR/SN). Kotre mysle maja ći, kotřiž so do pomocnych zarjadnišćow zadobywaja? Tole praša so Madlen Krenz, nawodnica Wojerowskeje tafle. Njesměrnje ju mjerza, zo so zas a zaso cuzy do jeje­ zarjadnišća zadobywaja. Najnowši tajki pad w Domje zetkanja sta so mi­njeny kónc tydźenja. Wuhladała je škodu sobotu sobudźěłaćerka domu Kerstin Bähr, jako so w bliskosći wuchodźowaše. Wona dyrbješe zwěsćić, zo běchu zachodne wrota kaž tež drastowej kon­tejneraj wočinjene. Drasta bě po zemi rozmjetana. Do dweju garažow běchu so njeznaći tohorunja zadobyli.

Zetkanišćo za domoródnych a pućowacych z dwurěčnej infotaflu

Lichań (UM/SN). Štóž je z kolesom abo pěši přez Lichań (Spreewiese) ducy, měł sej trochu wjace chwile zaplanować. We wsy při worjołskim a žabjacym ko­lesowanskim puću we Wulkodubrawskej gmejnje maja wotpočnišćo, kotrež skići wjace, hač jenož městno k posydnjenju. Zetkanišćo wosrjedź wsy sta so loni hišće atraktiwniše, rozprawja předsyda Lichańskeho domizniskeho towarstwa Alexander Golchert. „Městno je tak koncipo­wane, zo móža je domoródni runje tak wužiwać kaž pućowacy“, wón rozprawja.

Wojerecy. Kóždej dwě lěće počesća město Wojerecy žonu z města za wosebite skutkowanje z „Martu“. Tak ma so skutkowanje wosobiny w čestnohamtskim dźěle, při pomocy susodam, za dźěło w towarstwach a zwjazkach a na dalšich polach na wosebite wašnje wuzběhnyć. Za to pyta Wojerowske měšćanske zarjadnistwo nětko namjety. Wšitcy wobydlerjo města su namołwjeni, móžne kandidatki pomjenować. Jeničke wu­mě­njenje je, zo ma kandidatka w měsće Wojerecy bydlić. Namjety přijimuja hač do 21. januara w měšćanskim zarjadni­stwje. Radźićeljo města potom wo namjetach rozsudźa. Počesćenje wotměje so na Mjezynarodnym dnju žonow 8. měrca.

Prěni wječor kulturneje zymy

W Lětonju pola Budyšina zaměstnjeny helikopter Christoph 62 (nalěwo) za wu­chowanje z powětra DRF bě loni dohromady 1 439 razow zasadźeny, z toho 944 króć w nuzowej pomocy a 495 króć za transport kritisce schorjench abo zranjenych pacien­tow do druhich klinikow. Wot 30. nowembra maja dalši wuchowanski helikop­ter w Lětonju k dispoziciji. Christoph 114 pomha při nuzowych zasadźenjach, zo by Christoph 62 swobodne kapacity při přeměstnjenju koronowych pacien­tow měł. Tule funkciju je přidatna mašina hižo loni spočatk lěta spjelniła. Christoph 114 bě loni dohromady 236 razow zasadźeny. Foto: DRF Luftrettung

Ćežko znjezbožiłoj

Dobrošecy. Ćežke wobchadne njezbožo je so wčera popołdnju na statnej dróze S 109 mjez Dobrošecami a zwjazkowej dróhu B 156 pola Budyšina stało. Wodźer awta Ford Focus bě z Malešec do směra na Budyšin po puću, jako za prawej křiwicu­ na prawy bok jězdnje zajědźe. Wón „třěli“ ze swojim awtom wjace hač 50 metrow po hrjebi a při tym do wjacorych hałzow, stołpow a dalšich zadźěwkow. Skónčnje wosta Ford ćežko wob­škodźeny stejo. Wohnjowi wobornicy z Budyšina, Wulkeje Dubrawy a Malešec dyrbjachu šofera z ćežkej techniku z jězdźidła wuswobodźić. Wuchowanski he­likopter dowjeze muža do chorownje. Sobu­jěduca drje so njezatłusny, dyrbjachu pak ju tohorunja do chorownje dowjezć­. Za čas wobdźěłanja njezboža a rumowanja bě S 109 dospołnje zawrjena. Ford Focus dyrbjachu wotwlec.

Wotewrjene bydlenske koncepty, kwalita, swójske derjeměće, lutowanje energije – twarske trendy so dale wuwiwaja

Wjele twarskich knjezow wuzwola sej swój dom w katalogu twarskich předewzaćow. Štóž pak rozsudźa so za indiwiduelne rozrisanja, při čimž móže swójske přeća zwoprawdźić, tón bjerje za to architekta, kiž za njeho dom po potrjebje a žiwjen­skim stilu planuje ­a jeho při zwoprawdźenju poradźuje. Architekta maš sej wědomje wuzwolić, dokelž twarski stil by­wšich projektow kaž tež nazhonjenja wažnu rólu hraja. Kóždy nowotwar dźě spožča ­ći wěsty a předewšěm wědomy wid na přichod. Wšako tworiš sej z domom/bydlenjom je­wi­šćo za swoje žiwjenje. Ćim wažnišo tuž je dokładnje planować a rozestajeć so z prašenjom­ kaž: Kak předstajam sej swoje žiwjenje a kak móže je „moje doma“ ­wupjelnić. Architekća, kaž staj to Marko Dźisławk z Dobrošic a Hilža Mittagowa z Róžanta, ­njemóža do kristaloweje kule hladać a nam přichod wěšćić. Z projektow pak wujewjeja so wěste trendy w architekturje, kotrež nam wonaj tule wopisujetaj.