Warnuja před wobchadnym kolapsom
Berlin (dpa/SN). Zwjazki twarskeho hospodarstwa warnuja lutowanskich planow zwjazkoweho knježerstwa na awtodróhach dla před drastiskimi sćěhami za šoferow. W zhromadnym apelu rěka: „Njedyrbjało-li zwjazkowe knježerstwo dosahace srědki za wutwar dróhow w etaće zaplanować, by to fatalne sćěhi měło. Hrozy wobchadny kolaps.“ Lochkomyslna politika inwesticijow k tomu wjedźe, zo dyrbja dalše mosty zawrěć a zo syć dróhow dale rozpaduje, zwjazk piše.
Po rozprawach medijow zwjazkowe knježerstwo planuje, srědki za wutwar awtodróhow wo 20 procentow na něhdźe pjeć miliardow eurow skrótšić.
Zwjazk twarskich zawodow na to pokazuje, zo dyrbja hižo nětko něhdźe 4 000 mostow na awtodróhach nuznje ponowić abo znowa twarić. Zwjazkowy minister za wobchad Volker Wissing (FDP) bě před lětomaj připowědźił, zo chcył kóžde lěto 400 mostow ponowić dać. „Dokelž njeje wón přilubjenje dodźeržał, wobroća so zwjazki zhromadnje z nuznym apelom na knježerstwo.“
Žadaja sej wotsunjenja
Konferenca nutřkownych ministrow w Podstupimje z palacej temu
Podstupim (dpa/SN). Nutřkowni ministrojo zwjazkowych krajow sej žadaja, wulce kriminelnych a islamistiskich wohrožowarjow do Afghanistana a Syriskeje wotsunyć, štož zbudźa kontrowersne diskusije. Wosebje pomocne organizacije so tomu raznje wobaraja. Tež Lěwica nima wotsunjenje za postupowanje, kotrež Zakładnemu zakonjej a ludowemu prawu wotpowěduje. Konferenca nutřkownych ministrow, kotruž zahaja dźensa nawječor w Podstupimje, zaběra so po smjertnych nadpadach Afghanow z nožemi předewšěm z azylowej politiku.
Farsa z pokročowanjom
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (20.06.24)
Skóncowany helikopter wuchowanskeje słužby je wčera awtodróhu A2 pola Castropa-Rauxela w Sewjerorynsko-Westfalskej wjacore hodźiny blokował. Mašina bě po wobchadnym njezbožu popołdnju na awtodróze přizemiła. Techniski defekt pak wotlětej helikoptera zadźěwaše. Hakle po tym, zo běchu přiwołani specialisća škodu porjedźili, móžeše mašina wječor zaso wotlećeć.
Z oranžowej barbu popryskali su klimowi aktiwisća swětoznaty kamjentny monument Stonehenge we Wulkej Britaniskej. Skupina Just Stop Oil je widejo wozjewiła, na kotrymž so dwě wosobje kamjentnemu kruhej bližitej a barbu na njón pryskatej. Demonstranća žadaja sej wot britiskeho knježerstwa pisomne přilubjenje, zo wot lěta 2030 žane fosilne paliwa wjace njewužiwa. Britiski premier Sunak mjenowaše aktiwistow „wandalow“.
Malu Dreyer wotstupi
Mainz (dpa/SN) Ministerska prezidentka Porynsko-Pfalcy, Malu Dreyer, swoje zastojnstwo złoži. W běhu dnja chcyše wona swój wotstup w frakciji SPD krajneho sejma wozjewić. Móžny naslědnik móhł dotalny minister za dźěło Alexander Schweitzer (SPD) być. Dreyer je wot lěta 2013 ministerska prezidentka Porynsko-Pfalcy a nawjeduje koaliciju SPD, Zelenych a FDP. Wona bědźi so hižo něšto lět ze strowotniskimi problemami.
Zelenskyj chwali nowe prawidła
Kijew (dpa/SN). Ukrainski prezident Wolodymyr Zelenskyj je zasadźenje zapadnych bróni na teritoriju Ruskeje jako eficientne chwalił. Zničenje ruskich zepěranišćow a rampow njedaloko mjezy je jara wažne, rjekny Zelenskyj w swojim widejowym poselstwje. „To funguje, runje tak, kaž smy to wočakowali.“ Zapadne kraje běchu po ruskich nadpadach na Charkiw zakaz zasadźenja bróni na ruskim statnym teritoriju zdźěla zběhnyli.
Reforma wustawy schwalena
Z předešćnikami spytaja so muslimscy putnicy w sawdi-arabskim ...
Israel wójnske plany schwalił
Tel Aviv (dpa/SN). Israelske wójsko je plany generalneho staba za ofensiwu w Libanonje schwaliło a tak starosće nastupajo móžnu eskalaciju konflikta z Iranej přichilenej milicu Hisbollah přiwótřiło. Wysoko rjadni komanderojo su při wuradźowanju „operatiwne plany ofensiwy w Libanonje“ dowolili, wójsko zdźěla. Direktor za komunikaciju narodneje wěstotneje rady USA, John Kirby, w tym zwisku potwjerdźi, zo USA dalšu eskalaciju konflikta w regionje nochcedźa.
Israelski wonkowny minister Israel Katz rjekny: „We wobšěrnej wójnje Hisbolluh zničimy a Libanon porazymy. Stejimy před rozsudom, prawidła přećiwo Hisbollah a Libanonej změnić.“ Do toho bě Hisbollah wobrazy strategisce wažnych objektow w Israelu wozjewiła, kotrež bě wona pječa z trutami natočiła.
Putin na wopyće w Pjöngjangu
Wuradźuja wo azylowej politice
Podstupim (dpa/SN). Nutřkowni ministrojo zwjazkowych krajow zetkaja so dźensa wječor w Podstupimje, zo bychu wo azylowej a migraciskej politice kaž tež wo strachach ekstremizma wuradźowali. Na tři dny trajace zetkanje wočakuja tež zwjazkowu ministerku za nutřkowne naležnosće Nancy Faeser (SPD). Braniborska konferencu nutřkownych ministrow Němskeje tuchwilu nawjeduje.
Po smjertnych nadpadach wukrajnych skućićelow z nožemi chcedźa nutřkowni ministrojo mjez druhim wo wotsunjenju wulce kriminelnych wukrajnikow do Afghanistana a Syriskeje wuradźować. Nimo toho póńdźe wo wobmjezowanje njeregularneje migracije do Němskeje. Tam je předewšěm nutřkowna ministerka Faeser wužadana.
Zastupnicy organizacijow na dobro ćěkancow chcedźa jutře, štwórtk, před krajnym sejmom Braniborskeje w Podstupimje přećiwo přiwótřenju migraciskeje politiki protestować. „Ćeknjeni trjebaja škit – žanu rasistisku šćuwańcu“, w namołwje organizatorow rěka.
