meja – róžownik

„Witaj“ rěka oficialnje „božemje“. No­wa před­sydka załožboweje rady Susann Šen­kec je znate žohnowančko „w Božim mjenje“ hladajo na wulku potrjebu wučerjow a kubła­rjow za nowy slogan RCW postajiła. Ludmila Budarjowa měni, zo njejsu pěstowarnje w no­šer­stwje SŠT na zasady RCW wjazane. „Nowe mjeno njewupraja ničo wo wu­spěchu Witaj- projekta“, praji nawodnica RCW dr. Beata Brě­zanowa. Wona chce wšit­kich do diskusije za­při­jatych nimo Buda­rjoweje na kofej přepro­syć.

apryl – jutrownik

Poslednja žona w serbskej narodnej drasće je na prawdu Božu wotešła. Załožba za serb­ski lud chce marketingowy dezaster z nowej słužb­­nej drastu za wšitke serbske institucije wo­beńć. Załožbowa městošefowka Micha­e­la Mošowa je hnydom modowy projekt ini­ciě­ro­­wała, na kotryž je designerow Karla ­La­gerfelda­, Wolfganga Joopa a Jil Sander pře­prosyła. Woni maja nětko z tradicional­neje narodneje drasty načasne modowe modele wu­wić.

junij – smažnik

julij – pražnik

Wupućowarjo so nawróćeja. Dokelž prezident USA a jeho konsorty wukrajnikow permanentnje z kraja wuhnawaja, su tež texascy Serbja potrjecheni. Kaž něhdy su so tuž z łódźu na puć nastajili, a předsyda Domowiny Dawid Statnik je jich spočatk měsaca w Złokomorow­skim při­stawje witał. Zasydleni su nětko w daw­no prózdnym hosćen­cu w Pančicach-Kukowje. Komentar wjesnjanosty: „Bohudźak, da nje­trje­bam dale paćerje spěwać, zo do twarjenja skónčnje błysk dyri.“

To by wězo tež móžny wupuć za Wotrowsku faru był. Nimo burgerow a pomfritkow móhli tam tež šmałcowe pomazki a plincy předawać.

Wotrow

je zawěrno wosebita wjes. To samo na sebi ničo noweho njeje. Zo so tam druhdy wadźa, je znate. Dołhož pak na kóncu zaso zhromadnje piwo pija,

a z wjesnymi wopłóčkami je wšo w porjadku, da njech so wadźa. Wosebitostka je wězo jutry, hdyž Wotrowscy křižerjo jako jeničcy po wšěch Serbach tež hižo rano wokoło polow jěchaja. To so wjele zwadźić njemóžeš, dokelž kantorska swójba postaja, do kotreho směra rańše jěchanje wjedźe. Jenož derje, zo je připołdniša křižerska čara kruće postajena. Ale tež tu su hižo raz nimo Kamjenca wjedli a wězo hnydom Bože chłostanje w formje sylneho dešća dóstali.

nowember – nazymnik Swinje su Delanam zbožo přinjesli. Naj­prjedy so tam ludźo z Ralbic a wokoliny hun­čow dla puzolachu, nětko pak je wšo hinak. Pod he­słom „Hdźež je smjerd, tam sym tež ja“ dźeń a wjace ludźi do Delan jězdźi, zo mó­ža ho­spozy lědma dodźěłać. Přez cyłe lěto su pensije a hóstne stwy při kormjerni wukniho­wane, dokelž tam tak rjenje smjerdźi. Po sło­wach šefa masoweho zwěrinozničenskeho areala Justina Mordarja zapakowane swinja­ce howna­ jako suweněry „najbóle du“.
oktober – winowc Radworski hród stawa so dźeń a atraktiwniši: Wot spo­čatka měsaca wjerći ARD na hrodźe film „Hańža pyta Jurja“. Kaž wot filmoweje agentury zhonichmy, je hród prawe městno za tajki format, dokelž wotpowěduje cyle produkciji „The Addams Family“. „Radwor je awtentiski, tam njetrjebaš scyła ničo změ­nić, jenož kameru dźeržeć a nahrawać. Tam rjenje šeri“, rěka. Dźěl dochodow dźe do projekta wobsedźerja hrodu, kiž chce z pěska bencin dźěłać.

december – hodownik