Wuslědki (22.03.17)
Krajna koparska klasa
Chrósćicy – Nowosólc-Hródk 2:1 (1:0)
Trjebin – Drježdźanski SC 0:3 (0:2)
Weixdorf – Neugersdorf II 1:3 (1:1)
1. Radebeul 15 33 : 10 40
2. Laubegast 14 38 : 20 31
3. Neugersdorf II 15 37 : 17 28
4. Mužakow 14 31 : 20 27
5. Nowosólc-Hródk 14 27 : 27 20
6. Horni kraj Sprjewja 13 35 : 29 18
7. Drježdźanski SC 14 29 : 26 18
8. Chrósćicy 14 22 : 24 18
9. Nowe Město 15 26 : 32 18
10. Weixdorf 15 26 : 33 17
11. Zschachwitz 15 26 : 43 13
12. Trjebin 15 21 : 45 13
13. Biskopicy II 13 12 : 37 -1
wokrjesna liga, stafla II
Wulke Ždźary – Njeswačidło 7:0 (3:0)
Ralbicy/Hórki II – Łuty 0:2 (0:2)
Ćisk II – Radwor0:4 (0:3)
1. HZ Wulke Ždźary 16 44 : 21 37
2. HZ Łaz/Běły Chołmc 15 35 : 14 31
3. FSV Łuty 16 31 : 21 26
4. ST Ćisk II 16 27 : 24 26
5. ST Radwor 15 51 : 19 25
6. LSV Hory II 16 30 : 29 23
7. ST Lubuš 16 31 : 25 21
8. Rakečanske ST II 16 21 : 29 21
9. Nowe Město n. Spr. II 16 20 : 35 20
10. Nadrózna Hrabowka 16 26 : 36 17
W krajnej koparskej klasy žonow je Biskopičanske druhe mustwo ...
W dešću so „tepili“
SJ Njebjelčicy
– TSV Wachau 1:7 (0:2)
Zestawa domjacych: Hahn – Pawlik, Haška, Hrjehor, Lejnart (85. Janca), Kral, Korjeńk, Hoelzel, Hommel, Šołta, Čornak (68. Zeller)
Najskerje njeběchu Njebjelčanscy koparjo po zakopje tak prawje při wěcy. Hižo w 5. min. steješe 0:1. Lěwy nadběhowar hosći bě škitarjam twochnył a zymnokrejnje přetworił. Domjacy pak so spěšnje zhrabachu. Robert Lejnart bu wot Tommyja Hommela pósłany, třěli pak hrajny nastroj přez wrota. Krótko po tym wotwobara wrotar hosći třělwu Leopolda Hoelzela. Po hrubym foulu domjacych pochłosta sudnik Krystofa Pawlika z čerwjenej kartu. Hosćićelski cyłk pak wojowaše dale wo wurunanje. W 36. min. zwyši hósć po zmylku w srjedźnym polu a po spěšnym konteru na 0:2.
Hnydom po zasozahwizdanju dyrbjachu Njebjelčenjo třeće přećiwniske wrota přijimować (46.) a w 50. min. skrótši Handrij Korjeńk z niskej třělwu na 1:3. Njeposrědnje po tym přetworichu hosćo na 1:4 (63.). Nětko bě wočiwidne, zo je wola domjacych zlemjena. Tola wšitcy wojowachu dale. Do kónca partije přijimachu Njebjelčenjo přiwšěm hišće troje dalše wrota, poslednje po jědnatce.
Dobyće z hórkim přisłodom
VfB Zhorjelc – Viktoria Worklecy 2:3 (25:15, 23:25, 17:25, 25:15, 10:15)
Remis po dramatiskej hrě wulki wuspěch
Sokoł Ralbicy/Hórki
– ST Ćisk 1:1 (0:0)
Zestawa domjacych: Ch. Gloxyn – Rawš, Zynda, Korjeńk, Bjeńš, Šewc, D. Gloxyn, T. Bejma, B. Bejma, Wałda (65. Kurjat), Domaška
Wuslědki (21.03.17)
Wokrjesna wyša koparska liga
Kinspork/Łužnica – Rakecy 4:1 (3:0)
Ralbicy/Hórki – Ćisk1:1 (0:0)
Wjelećin – Kulow3:0 (1:0)
1. ST Ćisk 20 74 : 14 48
2. Rakečanske ST 19 51 : 29 40
3. ST Hnašecy-Dobruša 19 40 : 31 35
4. Sokoł Ralbicy/Hórki 19 48 : 26 34
5. SC Großröhrsdorf 19 24 : 19 28
6. Motor Kumwałd 20 34 : 40 28
7. Póst Germa. Budyšin 19 32 : 36 27
8. ST Kinspork/Łužnica 20 36 : 34 25
9. Módro-běli Kulow 19 35 : 35 25
10. LSV Hory 19 47 : 35 24
11. Drohotka Ramnow 19 31 : 40 23
12. Wojerowski FC 19 40 : 36 22
13. FV Ottendorf-Okrilla 20 29 : 54 17
14. ST Wjelećin 20 35 : 70 16
15. Zeleno-běli Bukecy 19 29 : 62 15
16. TSV Połčnica 18 23 : 47 11
Wjeseli so na MX-masters
Z Olafom Noackom je ADAC profundneho znajerja motocrossoweje sceny na trón wubědźowanskeho direktora zběhnył. Hač do lěta 2016 je wón w 25 na so slědowacych lětach jako sportowy komisar na motocrossowych wubědźowanjach swoju čestnohamtsku słužbu wukonjał a dźewjeć lět němske narodne mustwo na mjezynarodnych startach přewodźał. Posledni kónc tydźenja w aprylu budźe wón na druhim wubědźowanju MX-masters-serije na Jaworskej Kaponicy swoju wažnu funkciju wukonjeć. Naš Choćebuski sportowy reporter Georg Zielonkowski je so ze 54lětnym MX-fachowcom zetkał.
Knježe Noacko, Wy sće w bjezposrědnjej bliskosći winicy MSC Hänchen wotrostł, hdźež ma motocrossowy sport hižo něhdźe 50 lět swoju domiznu. Mje potajkim njezadźiwa, zo sće so z tutej motorsportowej družinu spřećelił …
Widźał,słyšał, napisał (20.03.17)
Awtor dźensa
Tomaš Faska
Dźensa, to wjetšina z was wě, lubi přećeljo tuteje kolumny, dźensa je kalendariski spočatk nalěća. Dowolće mi prošu, zo pak so hišće raz zymskemu sportej wěnuju. A to z wosebiteje składnosće. Chcu so wuznamnemu sportowcej wěnować, kiž je swětowe stawizny sporta bjezdwěla na njezapomnite wašnje sobu pisał. A za njeho je 20. měrc wosebity dźeń.
Hra hižo do połčasa rozsudźena
Budissa Budyšin
– FC Energija Choćebuz 0:4 (0:4)
Zestawa domjacych: Wohlfeld – Kolan, Baudis (64. Iliadis), Patka, Heppner, Hoßmang, Pfanne (83. Kloß), Salewski, Rosendo, Hänsch (13. Müller), Žuljević
Zestawa hosći: Spahić – Matuwila, Weidlich, Viteritti (61. De Freitas Costa), Svab, Kruse (84. Gehrmann), Stein, Schlüter (77. Ziegenbein), Förster, Baude, Putze
Njedźelu nastupichu koparjo Budissy Budyšin doma na Młynkec łuce přećiwo FC Energiji Choćebuz. Byrnjež hosćićel kóždy dypk trjebał, njemóžeše z dobyćom ličić. Přiwšěm pak chcyše Choćebužanam paroli skićić. Hač na Hausdorfa měješe trenar Torsten Gütschow wšitkich hrajerjow k dispoziciji.
Škoda, zo zahaji so partija hnydom z přećiwniskimi wrotami. Patrick Baudis bě hrajerja hosći w šěsnatce foulował, a Fabio Viteritti jědnatku k 0:1 (2.) přetwori. Njetraješe dołho a Joshui Putze třěli 0:2 (9.). To bě tak mjenowany předrozsud. K wšemu njezbožu so Daniel Hänsch zrani, a Josef Müller dyrbješe jeho narunać. Hosćo běchu chětro strašni a swobodne rumy wužiwachu. Lasse Schlüter třěli 0:3 (32.) a tři mjeńšiny pozdźišo Putze samo 0:4.
Sobotu přepodadźa ponowjenu Worklečansku halu
Gmejna Worklecy a sportowe towarstwo Viktoria stej program za přepodaće ponowjenje sportownje a za zarjadowanje 25lětneho wobstaća towarstwa wozjewiłoj. Sobotu, 25. měrca, budu w 15 hodź. w ponowjenej sportowni U 20-wubranka VC Olympije Drježdźany (holcy, 2. zwjazkowa liga) a volleyballisća Viktorije Worklecy přećiwo sebi hrać. Wot 17.25 hodź. předstaji so hudźbny ćah z Kleinröhrsdorfa, w 17.45 hodź. chcedźa nowu sportowu halu oficialnje přepodać. Wot 19.15 hodź. pokročuja z jubilejnym swjedźenjom. Při tym chcedźa Worklečenjo a hosćo na 25 lět Viktorije zhladować.
Njedźelu, 26. měrca, přizamknu so wot 11 hodź. rańše piwko a dźeń wotewrjenych duri. Jurij Bjeńš
