Minister nadźija so na měrc
Berlin (dpa/SN). W diskusiji wo móžnym zběhnjenju wobmjezowanjow koronawirusa dla ma zwjazkowy justicny minister Marco Buschmann (FDP) za předstajomne, zo hodźeli so naprawy srjedź měrca cofnyć. Wuměnjenje pak je, zo ličby infekcijow, kaž wot Roberta Kochoweho instituta wočakowane, wot srjedź februara zaso woteběraja. Druzy, kaž ministerski prezident Sewjerorynsko-Westfalskeje Hendrik Wüst (CDU), před tym warnuja. Nahubniki a hygienowe naprawy su po jeho měnjenju dale nuznje trěbne.
Maja serum za małe dźěći
Washington (dpa/SN). Němske předewzaće Biontech je zhromadnje ze swojim ameriskim partnerom Pfizer próstwu wo nuzowe přizwolenje swojeho seruma přećiwo koronawirusej za dźěći pod pjeć lětami zapodało. Nuzowe přizwolenje ma za dźěći wot šěsć měsacow płaćić. By to prěni serum za dźěći teje starobneje skupiny w USA był. Dotal njeje hišće jasne, kelko dozow seruma budu trjebać.
Planuja přiražku za tepjenje
Pomocnicy pytaja w ekuadorskej stolicy Quito dale za woporami lawiny ...
Pólski bencin tuni – tankownje we wulkej nuzy
Berlin/Drježdźany (dpa/SN). W Pólskej tankować je wot wčerawšeho hišće tuńše hač dotal – kraj je wot 1. februara dawk na ćěriwa znižił. Zwjazk wobhospodarjerjow garažow a tankownjow na sewjerowuchodźe Němskeje z toho wuchadźa, zo tankowanski turizm do směra na susodny kraj hišće raz widźomnje přiběra. Nadróžny wobchad přez mjezu je hižo minjene dny jasnje přiběrał, rjekny předsyda zwjazka Hans-Joachim Rühlemann powěsćerni dpa. Z dokładnym posudźowanjom połoženja liči Rühlemann přichodny kónc tydźenja. Ćěriwo móhło potom w Pólskej wo 65 centow tuńše hač w Němskej być. Zwjazk zastupuje w Berlinje a we wuchodoněmskich zwjazkowych krajach něhdźe 300 tankownjow.
Pólske knježerstwo je dawk na diesel a bencin wot 1. februara nachwilnje wot 23 na wosom procentow znižił. Naprawa ma ludźom w kraju hladajo na sćěhi inflacije pomhać.
Putin: Zapad naše zajimy ignoruje
Planuja skóržbu po demonstraciji
Lipsk (dpa/SN). Po tym zo běchu so demonstranća na teren Lipšćanskeje uniwersitneje kliniki zadobyli, chce wysoka šula skóržbu přećiwo nim zapodać. Chorownja njesměła so z městnom agresiwnych demonstrantow stać, nawodnistwo uniwersitneje kliniki dźensa na naprašowanje powěsćernje dpa zdźěli. Nimo toho su rozmołwy z Lipšćanskim policajskim prezidentom wo tym planowane, w kotrej formje móhli chorownju přichodnje lěpje škitać.
Po demonstraciji přećiwo naprawam koronawirusa dla w Lipsku běchu so minjenu sobotu dźesatki protestowacych najebać zašlahanje policije přez wrota na teren uniwersitneje kliniki předrěli. Zwěsćiwši identitu něhdźe 50 wosobow přepytuje policija nětko přećiwo nim podhlada ranjenja domjaceho měra dla. Zastojnicy běchu ćah demonstrantow zadźerželi, dokelž njemóžachu nawodu zhromadźizny zwěsćić. Jako protestowacy prawidła korony dla njedodźeržachu a žani rjadowarjo zasadźeni njeběchu, policija demonstrantow wobstupi. Tomu su so mnozy přez wotewrjene wrota na teren chorownje wuwinyli.
To a tamne (02.02.22)
Nimale 40 000 eurow a złotaki su cłownicy na lětanišću Karlsruhe/Baden we wačoku pasažěrki našli. Mjez stronami knihow bě 46lětna cyłkownje 40 700 šwicarskich frankow schowała. W titkach nósnikow měješe wona nimo toho złoto w hódnoće 6 300 eurow zapakowane. Pašowanja dla ju zastojnicy wozjewichu. Pjenježne srědki wjace hač 10 000 eurow dyrbja ludźo při zapućowanju a wopušćenju Němskeje přizjewić.
Hnydom trójce zjebał je njeznaty žonu w vogtlandskim Netzschkauwje. Skućićel bě 74lětnej při telefonje napowědał, zo je jeje dźowka njezbožo z dźěsćom zawiniła a nětko w jastwje sedźi. Rentnarka přepoda jemu na to štyricyfrowu sumu pjenjez. Krótko na to žadaše sej muž hišće wjetšu „kawciju“ za dźowku. Tež to pak jemu njedosahaše. Skónčnje dósta wón hišće dulu złota wot zjebaneje.
Smědźa dale dźěłać
Berlin (dpa/SN). Zwjazkowe knježerstwo je na naprašowanje internetneje powěsćoweje platformy Business Insider zdźěliło, zo njehodźi so šćěpjenska winowatosć k planowanemu terminej přesadźić. Nješćěpjeni přistajeni hladarnjow a medicinskeho wobłuka smědźa tuž najprjedy raz dale dźěłać, doniž njejsu strowotniske zarjady wo dalšim postupowanju rozsudźili. Poprawom mějachu wšitcy sobudźěłaćerjo mjenowaneju wobłukow hač do 16. měrca šćěpjeni być.
Prawo na testy ma wostać
Magdeburg (dpa/SN). PCR-test k dopokazej infekcije z koronawirusom chcedźa přichodnje hłownje sobudźěłaćerjam strowotnistwa přewostajić. Runočasnje pak dyrbja tež wšitcy druzy wobydlerjo prawo na tajke testy měć. Wo tym je saksko-anhaltska ministerka za strowotnistwo Petra Grimm-Benne po widejowej konferency ze swojimi kolegami Zwjazka a zwjazkowych krajow informowała. Labory su omikronwarianty dla mjeztym hranicu wukonitosće docpěli.
Płaćiwosć skrótšena
