Widźał,słyšał, napisał (09.02.26)
Awtor dźensa
Halena Jancyna
Worklečenjo druhe městno wuspěšnje zakitowali
Póst Drježdźany –
Viktoria Worklecy 2:3
(14:25, 25:19, 23:25, 25:21, 13:15)
Tydźenja sobotu bě so prěnje mustwo muži sportoweho towarstwa Viktorije Worklecy na wolejbulowu dypkowu hru přećiwo Póstej Drježdźanam do sakskeje stolicy podało. Worklečenjo domjacych wot wšeho spočatka pod ćišć sadźachu a so po dypkach spěšnje wotsalichu. Prjed hač Drježdźanscy pytnychu, zo je so hra započinała, bě prěnja sadźba hižo 25:14 za młode mustwo z Worklec dobyta.
Pak bě to přelochka prěnja sadźba, pak pobrachowaca nazhonitosć hosćićelskeho cyłka, kotraž k tomu dowjedźe, zo steješe serbske mustwo w přichodnej sadźbje kaž wuměnjene na polu. Wot dobrych akcijow njebě hižo wjele widźeć. Na tamnym boku saka staraštaj so stajer a wulki diagonalny nadběhowar wo ćišć. Poněčim wuwi so wurunana hra. Wobě mustwje sylnje nadběhowaštej a wulkotnje wotwobaraštej, ale woraštej tež kopicu zmylkow. Z tym so sebjewědomje Worklečanow zhubi. Sadźba skónči ze zasłuženym dobyćom 19:25 za domjacych.
Wuslědki (09.02.26)
Kopańca, 3. liga
1. FC Energija Choćebuz 23 48 : 36 44
2. MSV Duisburg 23 42 : 25 43
3. VfL Osnabrück 23 33 : 22 42
4. SC Verl 23 56 : 34 41
5. Čerwjeno-běli Essen 23 45 : 36 40
6. Hansa Rostock 23 39 : 25 39
7. Wehen Wiesbaden 23 31 : 25 38
8. Waldhof Mannheim 23 39 : 42 35
9. TSV 1860 Mnichow 23 34 : 35 33
10. FC Ingolstadt 04 23 40 : 31 32
11. TSG Hoffenheim II 23 45 : 39 32
12. VfB Stuttgart II 23 29 : 37 32
13. Viktoria Köln 23 31 : 30 31
14. Jahn Regensburg 23 29 : 34 28
15. TSV Alemannia Aachen 23 36 : 44 26
16. 1. FC Saarbrücken 23 30 : 35 24
17. FC Rudne horiny Aue 23 25 : 36 23
18. SSV Ulm 1846 23 31 : 47 22
19. TSV Havelse 23 33 : 47 19
20. 1. FC Schweinfurt 23 19 : 55 9
Sport (06.02.26)
Testowe koparske hry
Někotre přihotowanske koparske hry pod hołym njebjom su hižo wotprajene, někotre steja hišće w hrajnych planach. Snano hodźa so jutře a zajutřišim na kumštnych trawnikach w Kamjencu, Halštrowje a Radebergu přihotowanske hry přewjesć. Dypkowa koparska hra Budissa Budyšin – VfL Halle 96 bu hižo srjedź tydźenja wotprajena.
07.02. 16:00 Módro-běli Kulow –
ST Lubuš (w Kamjencu)
08.02. 13:00 SJ Chrósćicy –
Biskopičanske KT 08 II
(w Halštrowje)
08.02. 14:00 Sokoł Ralbicy/Hórki –
ST Porchow
(w Radebergu)
Dumpery startuja w meji
Tež dumpersportowcy lětsa zaso wo dypki wojuja. Zazběh Němskeho dumperoweho mišterstwa (DDM) změja woni kónc meje w Adelsdorfje. Běhaj w Baćonju a Hórkach přewjedźetej so srjedź julija a spočatk awgusta.
30.05. 14:00 Adelsdorf
13.06. 14:00 Bad Freienwalde
12.07. 14:00 Baćoń
02.08. 14:00 Hórki
05.09. 14:00 Ramnow
Zahajenje sezony konjaceho sporta
Liški derby wurjadnje dobyli
EV Landshut – Łužiske lodohokejowe liški 2:1 (0:1, 2:0, 0:0)
Łužiske liški přěhrachu pjatk pola EV Landshut snadnje 1:2. Běłowodźenjo startowachu z tójšto ćišćom a mějachu zahe dobre šansy. Adam Brady zwrěšći po třoch mjeńšinach na Landshutskim wrotarju. Na napřećiwnej stronje Pascal Seidel z pomocu žerdźe zastatkej zadźěwa. W 6. min. trjechi Georgiy Saakyan po konteru k 1:0 nawjedowanju za Łužičanow. Pascal Seidel parěrowaše po tym mjez druhim sylnje přećiwo Trevorej Goochej. Alexander Dosch skomdźi w 15. min. na 2:0 zwyšić.
W druhej třećinje wosta Běła Woda najprjedy hru postajowace mustwo. Tola w 36. min. David Elsner w dwójnej nadličbje k 1:1 wuruna. Jenož mjeńšinu pozdźišo trjechi Trevor Gooch znowa po chłostanju přećiwo Liškam k 2:1 za Landshut.
W kónčnej třećinje zwrěšćištaj Lane Scheidl a Clarke Breitkreuz na wrotarju a wurunanju. Liški ćišć zwyšichu, wostachu pak před wrotami bjez wuspěcha. Dalše wrota njepadnychu, tak zo wosta při poražce 1:2 za Běłowodźanow.
Łužiske lodohokejowe liški – Lodowe piraty Crimmitschau 6:2 (2:1, 1:0, 3:1)
Znowa bjezporočny hrajny dźeń za wolejbulistow Viktorije Worklecy
Najebać lodowu zymu bě šwarna syła wulkich a małych Worklečanskich fanow puć do sportownje Wojerowskeho Lessingoweho gymnazija namakała, zo by swoje mužace mustwo Viktorije Worklecy III na 5. hrajnym dnju wolejbuloweje wokrjesneje klasy stafla sewjer podpěrała. A woni njebuchu přesłapjeni. Drje mějachu Viktorianorojo jenož mały kader k dispoziciji, tole pak z wysokej zasadźenskej hotowosću wurunachu. A Marko Njek bě tak prěni raz w „starting-six“ zasadźeny.
ST Viktoria Worklecy III – VF Módro-běli Wojerecy III 2:0 (25:16, 25:9)
Na spočatku partije přećiwo rutinjejam VF BW Wojerecy III tčeše wšitkim hrajerjam hišće zyma w porstach. Tež na tepjenju dyrbi so tu a tam wočiwidnje lutować. Tak njeporadźichu so najprjedy někotre přiwzaća, tola z přiběracym časom hry buchu hrajne ćahi stabilniše a tłóčaca přewaha Worklečanow widźomna. Hrajne ćahi wotběžachu kaž na šachowej desce a wšitcy nadběhowarjo móžachu so pola přistajerja Marcela Rjelki za precizne přihraća podźakować. 25:16 rěkaše jasny rezultat k změnje stronow.
W Radworju je Sportowe towarstwo 1922 Radwor minjeny kónc tydźenja ...
Dobyće k šěsćdźesaćinam
FC Energija Choćebuz – TSG Hoffenheim II 3:1 (2:1)
FC Energija Choćebuz: M. Funk – Rorig, Awortwie-Grant, Manu, Guwara, Pelivan (83. Biankadi), Michelbrink (90.+4 Campulka), Borgmann, Hannemann (62. Butler), Ciğerci (90.+4 Tattermusch), Engelhardt (90.+4 Moustfa)
přihladowarjo: 16 645
Wo přemóžacu naladu w stadionje postara so na šěsćdźesatych narodninach FC Energije Choćebuz do zahwizdanja jónkrótna choreografija, do kotrejež běchu wšitcy wopytowarjo w stadionje zapřijeći. Zo nasta hižo w 4. min. po zhubjenju bula Tolcayja Ciğercija nawjedowanje za hosći, dobru naladu njeskóncowa. Zastatk bě zabyty, jako Moritz Hannemann krótko na to ze swojimi šestymi sezonowymi wrotami hru zaso „na nulu“ staji. Nětko pokazachu hosćićeljo hrajersce sylny wustup, poskićejo hosćom lědma móžnosće za swójske akcije. Tak bě to jenož prašenje časa, doniž Erik Engelhardt FC Energiju k nawjedowanju njezhłójčkowa. Tak widźeše wjace hač 16 000 přihladowarjow staw k połčasej, kotryž wšudźežkuli nadźiju za 13. sezonowe dobyće zbudźi.
Tójšto serbskich sportowcow
Wuspěšna předjubilejna Jizerská pádesátka
Lětsa móžachu Jizersku pádesátku, najwjetše sněhakowarske wubědźowanje w Čěskej, pod dobrymi wuměnjenjemi přewjesć, dokelž bě so na zbožo w běhu tydźenja zaso sněžiło. Čary pak njejsu kóžde lěto jenak dołhe, wšako su sněha dla tak wuhotowane, kaž so hodźi. 25 kilometrow dołha distanca (JIZ 25) bě loni na přikład wo 2,5 km krótša. Lětsa wjedźeše JIZ 25 prěnje 9 km nimale jenož horu horje. JIZ 50 bě prěni raz w historiji woprawdźe 50 km dołha. Zamołwići postarachu so wo dobru organizaciju. Wšitko je perfektnje běžało, wšojedne hač na městnje, při wotewzaću podłožkow w Liberecu abo ze shuttle-busami z Libereca na městno wubědźowanja w Bedřichovje a zaso wróćo. Ze startowym paketom dóstachu sportowče a sportowcy tež dobropis za wobjed a jedne čěske piwo po wubědźowanju. Wšitcy wobdźělnicy, tak mjenowani finisherojo, dóstachu znowa škleńčanu medalju, wšako maja w Jizerskich horinach dołhu tradiciju škleńčerstwa.
Wuslědki (03.02.26)
Kopańca, 3. liga
TSV Havelse – FC Rudne horiny Aue
3:1 (0:1)
1. FC Saarbrücken – VfL Osnabrück
0:1 (0:1)
Viktoria Köln – Waldhof Mannheim
1:3 (0:1)
FC Energija Choćebuz –
TSG Hoffenheim II3:1 (2:1)
Hansa Rostock – FC Ingolstadt 04 0:3 (0:2)
TSV 1860 Mnichow –
TSV Alemannia Aachen 2:2 (1:1)
1. FC Schweinfurt – Jahn Regensburg
0:1 (0:1)
SSV Ulm 1846 – MSV Duisburg 1:0 (1:0)
SC Verl – VfB Stuttgart II 4:0 (0:0)
Čerwjeno-běli Essen – Wehen Wiesbaden 1:0 (1:1)
1. FC Energija Choćebuz 22 48 : 36 43
2. SC Verl 22 54 : 30 41
3. MSV Duisburg 22 38 : 23 40
4. Čerwjeno-běli Essen 22 42 : 33 39
5. VfL Osnabrück 22 31 : 22 39
6. Hansa Rostock 22 37 : 23 38
7. Wehen Wiesbaden 22 29 : 25 35
8. TSV 1860 Mnichow 22 33 : 33 33
9. Waldhof Mannheim 22 37 : 41 32
10. FC Ingolstadt 04 22 40 : 31 31
11. TSG Hoffenheim II 22 43 : 37 31
12. Viktoria Köln 22 31 : 30 30
13. VfB Stuttgart II 22 27 : 36 29
14. Jahn Regensburg 22 29 : 34 27
15. TSV Alemannia Aachen 22 33 : 41 25
16. 1. FC Saarbrücken 22 30 : 35 23
17. FC Rudne horiny Aue 22 25 : 36 22
18. SSV Ulm 1846 22 30 : 45 22
19. TSV Havelse 22 33 : 45 19
20. 1. FC Schweinfurt 22 19 : 53 9
