Pytaš nowe a wotměnjawe wužadanje? Dźěłaš rady z ludźimi, maš swójsku iniciatiwu a dobre organizatoriske kmanosće?
Da sy pola nas na prawym městnje.
Pytamy će ručež móžno jako
wěcywobdźěłarku za personal (m/ž/d)
Kotre nadawki na tebje čakaja?
- personalny management wot zdobywanja, wuwića hač k wjazanju personala
- powšitkowne administratiwne činitosće w personalnym wobłuku (korespondenca, wobdźěłanje a wotkładźenje personalnych podłožkow, poradźowanje přistajenych)
- sobuskutkowanje při zwoprawdźenju personalnych projektow k stopnjowanju derjeměća přistajenych
- zestajenje statistikow a wuhódnoćenjow
Tute kajkosće přinjeseš sobu:
- wobknježiš hornjoserbšćinu a němčinu ertnje kaž tež pisomnje
- wotzamknjeny studiji abo wukubłanje na polu personalneho managementa abo přirunajomne wukubłanje z wjelelětnymi powołanskimi nazhonjenjemi
- w idealnym padźe maš nadrobne znajomosće dźěłoweho a tarifoweho prawa (TV-L)
- wobknježiš programy Microsoft Office pakćika
- dobre organizatoriske kmanosće, spušćomnu a samostatnu dźěławosć, dokładnosć
- wobsedźiš jězbnu dowolnosć klasy B
Što ći skićimy?
- wotměnjawe dźěłowe městno w přećelnym a nazhonitym teamje
- atraktiwnu mzdu a 30 dnjow dowola wob lěto
- fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
- dołhodobnu perspektiwu a prawidłowne poskitki dalšeho wukmanjenja a dalekubłanja
Dźěłowy wobjim wučinja 39 hodźin wob tydźeń. Dźěłowy čas skrótšić je w mjezsobnym dorozumjenju móžno.
Maš-li zajim, požadaj so pola nas z digitalnymi podłožkami!
Maš-li prašenja, zazwoń na nas abo napisaj nam mejlku.
Ludowe nakładnistwo Domowina | jednaćel Syman Pětr Cyž |
Sukelnska 27 | 02625 Budyšin | tel. 03591/577-241
