ZJAWNE WUPISANJE MĚSTNA
W redakciji NOWEGO CASNIKA ma se k 1.1.2024
abo tak spěšnje ako móžno městno
šefredaktora (m/ž/d)
nowo wobsajźiś.
Pyta se kreatiwna a angažěrowana wósobina, aby dolnoserbski tyźenik pó wopśimjeśu, organizatoriski a góspodaŕski nawjedowała a pśi tom nawězała na něntejšny profil a tradicije wušej 170 lět dłujkego wuwiśa Casnika.
Kake nadawki na Tebje cakaju?
-
njasć głownu redakcisku zagronitosć za tyźenik Nowy Casnik
-
nawjedowaś redakciju a jeje zaměrne źěło pśi planowanju, zestajanju a wudawanju Casnika w śišćanej a digitalnej formje
-
kšuśiś a dalej wuwijaś zgromadne źěło z cytarjami, awtorami a dopisowarjami; ze serbskimi institucijami a towaristwami ako teke z nimskimi institucijami, kenž su wažne za mjeńšynowu politiku na wšych rowninach; ze śišćaŕnju a z institucijami, kenž su zagronite za rozšyrjenje Casnika
-
efektiwnje wužywaś financielne a druge srědki za pólěpšenje kwality Casnika a pówušenje licby cytaŕstwa śišćanego a digitalnego wudaśa na wšakich kanalach
-
aktiwne źěło z dorostom
Slědujuce pócynki pśinjasoš:
-
wótzamknjone wusokošulske wukubłanje na žurnalistiskem abo drugem wótpowědnem fachowem pólu abo dłujkolětne praktiske nazgónjenja w žurnalistiskem źěle
-
wjelgin dobre wobkněženje wustneje a pisneje dolnoserbskeje a nimskeje rěcy
-
wjelgin dobre znaśa historije, kultury a casnikaŕstwa serbskego luda a mjeńšynoweje politiki
-
w idealnem paźe prědne nazgónjenja w nawjedowańskem źěle
-
dobre znaśa na pólu nowych medijow a awtorskich pšawow, jězdna dowólnosć
-
wuske zwiski ze serbskeju ludnosću w Dolnej Łužycy
-
zwólniwosć a fleksibelnosć za dalšne profilěrowanje Nowego Casnika, wósebnje na pólu nowych medijow, a jogo redakcije
Co Śi bitujomy?
-
źěłowe městno w kreatiwnem wobłuku z wótměnjatymi nadawkami w pśijaznem a nazgónitem teamje
-
atraktiwne myto, 30 dnjow dowola wob lěto, fleksibelny źěłowy cas a teke móžnosć k mobilnemu źěłu
-
źěłowe městno jo Chóśebuz a źěłowy cas wucynijo 39 góźinow wob tyźeń, mjenjej jo pó wótgłosowanju móžno
Toś ta pozicija jo nejpjerwjej raz na pěś lět wobgranicowana z móžnosću na pódlejšenje. Pó dorozměśu móžo se źěło k drugemu terminoju zachopiś.
Zajmce daś zapódaju swóju pšosbu a swóju koncepciju za
wudawanje Casnika z mejlku na jadnaŕstwo
Ludowego nakładnistwa Domowina.
Pśi pšašanjach nas zazwoń abo piš mejlku.
Ludowe nakładnistwo Domowina, jadnaŕ Syman Pětr Cyž
Sukelnska 27, 02625 Budyšyn
