Iniciatiwu Minority SafePack wjac hač 600 000 ludźi podpisało
Berlin (SN/JaW). Mjeńšinowe temy njejsu w nadregionalnych medijach – nowinach, rozhłosu kaž tež telewiziji – prezentne dosć. To měło so změnić, a zamołwići měli mjeńšiny w tym podpěrać, rěkaše jedne ze žadanjow nimale 40 zastupnikow medijow w mjeńšinowych rěčach a zastupjerjow mjeńšin samych z cyłeje Europy na prěnim dnju medijoweho foruma Federalistiskeje unije europskich narodnych mjeńšin (FUEN) wčera w Berlinje. Žadanje přesadźić wšak je po słowach wjacorych fachowcow ćežko, dokelž wulke medije na tym zajim nimaja, kaž wobkrućištaj to mjez druhim čłonka rozhłosoweje rady ZDF dr. Karin Haug a redaktor powěsćernje n-ost Filipp Fritz.
