Torhaja bywšu serbsku ćišćernju

srjeda, 04. měrca 2020
artikl hódnoćić
(0 )
Na Budyskej Hornčerskej 35 tuchwilu bywšu serbsku ćišćernju torhaja. Wot lěta 1964 do 2017 produkowachu tu Serbske Nowiny a dalše serbske ćišćenki. Nowy ­mějićel, Budyska twarska firma Baucom, chce teren za bydlenja a přemysłowe ­rumnosće wužiwać. Hornčerska je hač do 13. měrca wottorhanskich dźěłow dla zawrjena. Foto: Carmen Schumann Na Budyskej Hornčerskej 35 tuchwilu bywšu serbsku ćišćernju torhaja. Wot lěta 1964 do 2017 produkowachu tu Serbske Nowiny a dalše serbske ćišćenki. Nowy ­mějićel, Budyska twarska firma Baucom, chce teren za bydlenja a přemysłowe ­rumnosće wužiwać. Hornčerska je hač do 13. měrca wottorhanskich dźěłow dla zawrjena. Foto: Carmen Schumann

Budyšin (SN/CoR). Widźomne znamjo serbskich stawiznow w měsće Budyšinje so tuchwilu zhubja. Hinak hač najprjedy rěkaše, nima na Hornčerskej stejacy dom bywšeje serbskeje ćišćernje stejo wostać, ale jón wot dźensnišeho runja tamnym twarjenjam na terenje zwottorhaja.

Stawizny Serbskeje ćišćernje Nowa Doba na mjenowanym městnje sahaja do lěta 1964, jako zadomichu hižo 1947 załoženu ćišćernju Domowiny po zjednoćenju z twornju Oberlausitzer Druck­werkstätten na Hornčerskej 35. Hač do towaršnostneho přewróta 1989/1990 ćišćachu tam serbske nowiny, časopisy, knihi a dalše wudźěłki.

Nazymu 1991 je Domowina, tež na ćišć­ sobudźěłaćerjow, swoje swójstwo spušćiła. Tak nasta nowa towaršnosć Lausitzer Druck- und Verlagshaus GmbH, kotraž so swěru k serbskej zańdźenosći wuznawaše, doniž njeje in­sol­wenca Łužiskeje ćišćernje po něšto wjace hač 70 lětach zhromadne dźěło z re­dakciju SN zakónčiła. Wot nazymy 2017 njećišća wječornik Serbske Nowiny hižo na Hornčerskej w Budyšinje, ale na Lejnjanskej na Horach w předewzaću DVH Weiss-Druck GmbH & Co. KG.

wozjewjene w: Medije
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND