Trójna premjera online poručenje

pjatk, 09. apryla 2021
artikl hódnoćić
(0 )
Dobry přehlad sej wobchować měješe na wčerawšim prěnim digitalnym forumje Serbskich Nowin nimo techniskeho zamołwiteho Michała Cyža tež moderator wječora Jakub Wowčer (naprawo). Z pomocu wulkeje wobrazowki móžeše wón swojich rozmołwnych partnerow, mjez kotrymiž běchu Hans-Jakob Völkel, Patricia Kaube, Juan David Mendez a dr. Cordula Ratajczakowa kaž tež simultaneju přełožowarjow Bosćana Nawku a Janeka Wowčerja (wotlěwa) stajnje widźeć.  Foto: SN/Hanka Šěnec Dobry přehlad sej wobchować měješe na wčerawšim prěnim digitalnym forumje Serbskich Nowin nimo techniskeho zamołwiteho Michała Cyža tež moderator wječora Jakub Wowčer (naprawo). Z pomocu wulkeje wobrazowki móžeše wón swojich rozmołwnych partnerow, mjez kotrymiž běchu Hans-Jakob Völkel, Patricia Kaube, Juan David Mendez a dr. Cordula Ratajczakowa kaž tež simultaneju přełožowarjow Bosćana Nawku a Janeka Wowčerja (wotlěwa) stajnje widźeć. Foto: SN/Hanka Šěnec

Prěni digitalny forum Serbskich Nowin z prapremjeru filma wuspěšny

Budyšin (SN/MiR). Prěnička Serbskich Nowin – prěni digitalnje přewjedźeny forum­ serbskeho wječornika – je so zešlachćiła. Tak zjima šefredaktor SN Janek Wowčer wčerawši wječor z hnydom třomi premjerami – prěni wirtuelny forum SN, prapremjera krótkofilma „Sorbenkind“ a simultany přełožk, kotryž zaruči nimo Janeka Wowčerja redaktor SN Bosćan Naw­ka. „Něhdźe 320 ludźi je forum SN před wobrazowkami slědowało. To mam za wulki wuspěch“, tak Wowčer po zarjadowanju. Z podpěru Michała Cyža a Budyskeho studija MeKoSax su wječor přihotowali a přewjedli. Kaž Cyž zdźěli, bě na wšě 200 ličakow přizjewjene a wjet­­šina z nich bě přez cyły wječor online.

W srjedźišću foruma steješe krótkofilm Lipšćanskeje režiserki Patricije Kaube „Sorbenkind“. Skulojćeny bu wječor z rozmołwnym kołom, kotrehož serbske přinoški buchu simultanje do němčiny přenjesene. Přełožk bu nimo toho tež we formje podtitulow poskićeny.

wozjewjene w: Medije
Prošu přizjewće so, chceće-li komentar podać

nawěšk