Wotewrjenje dorostoweje medijoweje akademije na julij přestorčene

Budyšin (SN/JBo). Wotewrjenje prěnjeje tak mjenowaneje Serbskeje dorostoweje medijoweje akademije je Załožba za serbski lud jako jeje nošer na 1. julij 2022 přestorčiła. To zdźěli zamołwita załožby za marketing a ko­operacije Hanka Budarjowa na naprašowanje Serbskich Nowin. „Po přewzaću Michała Cyža a techniki SAEK smy spěšnje zwěsćili, zo je spektrum nadawkow tajkeje akademije chětro wobšěrny. Chcychmy tuž nowu strukturu ­hakle wutworić, hdyž předležitej koncept za serbskorěčnu medijowu pedagogiku a produkciju kaž tež koncept wo financowanju předewzaća“, Budarjowa wuswětli.