Nowe wobličo je wot spočatka měsaca w Ludowym nakładnistwje Domowina (LND) widźeć: Betina Wenderothowa z Chrósćic, 40lětna ženjena mać štyrjoch dźěći, je zamołwitosć za marketing přewzała. Oficielnje so městno „senior marketing manager“ mjenuje. Do tutoho naročneho joba njesłušatej jenož koncipowanje a koordinowanje wšěch naprawow marketinga LND, ale tež wuwiće produktow serbskeho nakładnistwa a zdobywanje dorosta změje wona sobu na starosći. Jednaćel LND Syman Pětr Cyž so wjeseli, zo je dlěši čas wakantne městno zaso z kompetentnej Serbowku wobsadźene.