Znowa njekonstantny wukon pokazali

štwórtk, 28. februara 2019
artikl hódnoćić
(0 )
Frank Popjela (srjedźa, Kulow) z delnich Sulšec je za hosći při třělcowskim swje dźenju w Radworju dwójce trjechił. Foto: Werner Müller Frank Popjela (srjedźa, Kulow) z delnich Sulšec je za hosći při třělcowskim swje dźenju w Radworju dwójce trjechił. Foto: Werner Müller

ST 1922 Radwor

– Módro-běli Kulow 1:7 (1:4)

Zestawa domjacych: Ch. Šěrak (45. Jendrewski) – Reinecke, F. Šěrak, Bauer, Rachel­, Kral (45. Hančik), Henka, Nuk, Glück­lich, Hetasch (27. Zähr)

zestawa hosći: Adler – Hantschke, Korch, Katzer, Popjela (67. Wehlan), Bulang (73. N. Kubaink), Brückner, Wittek, Böttger (81. S. Kubaink), Nicolaides, Bergmann

Po tym zo běchu koparjo ST Radworja tydźeń prjedy přećiwo načolnikej z Rakec 1:2 snadnje přěhrali, so woni nadźijachu, zo móža přećiwo druhemu wokrjesneje wyšeje ligi tohorunja derje wobstać. Tele předewzaće pak su misnyli, dokelž Módro-běłym z Kulowa chětro wysoko podležachu. Módro-běli běchu jasnje lěpši, domjacy pak stajnje krok přepomału abo přenjekonsekwentni při přihrawkach. Z dołhimi třělwami přez Radworskich škitarjow a ze spěšnymi nadběhowarjemi so hosćom poradźi stajnje zaso strašnosć wuprudźeć. Poprawom měli Ra­dworče­njo taktiku hižo ze zašłeje partije přećiwo Kulowej znać, ale njemóžachu so tomu wobarać. Hižo do přestawki je hóstne mustwo Radworskeho wrotarja štyri razy přewinyło. Jeničke wrota za hosćićela trjechi w 39. min. Stephan Reinecke.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND