Serbscy starterojo dosć wuspěšni

póndźela, 29. apryla 2019
artikl hódnoćić
(0 )

42. Biskopičanske běhi na dołhe distancy pod lěćnymi poměrami

Cyłkownje wubědźowaše so lětsa 450 lubo­warjow běhanja a walkinga ze Sakskeje, z Braniborskeje, Berlina, Erfurta, Nürnberga, Lüneburga, Frankfurta a Amsterdama na pjeć distancach. Młódši šulerjo wubědźowachu so podźělnje na 0,8 km (U 8) abo 2,5 km (U 10 a U 12). Młodostni a starši dorosćeni wubědźowachu so na 4,5 km a dorosćeni wšitcy pak na 10 km abo 20 km.

Na třoch čarach wojowachu tež jednotliwi serbscy starterojo, a to tež lětsa zaso dosć wuspěšnje. Cyłkownaj dobyćerjej na 2,5 km (45 w cilu, z nich 17 šulerkow) běštaj Lennox Gyalai z Hainsberga (9:42 min) a Liana Arndt z Lipska (11:30 min). Z Budyskeje Serbskeje šule běštej wosebje wuspěšnaj Jarek Schade a jeho sotra Jitka. Jarek běše dobyćer w skupinje U 10 (10:06 min) a wubědźi sej samo cyłkowne slěborne městno. Jitka wobsadźi cyłkowne 2. městno (11:43 min) a w skupinje U 12 běše wona tež dobyćerka.

wozjewjene w: Sport
Prošu přizjewće so, chceće-li komentar podać

Serbska debata

nowostki LND