Mjeńšiny so na kulturnym dnju mjez sobu předstajili

štwórtk, 30. junija 2022
artikl hódnoćić
(0 )
Serbske mustwo předstaji so na kulturnym dnju w Plijbergu z přewodom hudźbnikow Bosćana Donata, Symana Hejduški, Fabiana Hejduški (zady wotlěwa) a Klemensa Marka (njeje widźeć).  Foto: Jörg Stephan Serbske mustwo předstaji so na kulturnym dnju w Plijbergu z přewodom hudźbnikow Bosćana Donata, Symana Hejduški, Fabiana Hejduški (zady wotlěwa) a Klemensa Marka (njeje widźeć). Foto: Jörg Stephan

Plijberg. Po tym zo běchu předwče­rawšim, wutoru, poslednje skupinske hry na tuchwilu so wotměwacej europeadźe w Korutanskej wuhrali, móžachu sej koparske mustwa wčera mału přestawku popřeć. Srjeda, pjaty oficialny dźeń lětušeho koparskeho turněra europskich narodnych mjeńšin, steješe cyle w znamjenju mjezsobneje wuměny.

Tak wotmě so wčera na hłownym torhošću w Plijbergu (Bleiburg) kulturny dźeń, na kotrymž předstaji wšitke 19 mustwow swoju rěč a kulturu bliže. Program zahajichu Korutanscy Słowjency z wustupom dźěći domoródneje ludoweje šule, kiž zanošowachu słowjenske kaž tež němske pěsnje. Na to slědowace kulturne přinoški wopřijimachu wideja, wšelke spěwy abo reje jednotliwych narodnych mjeńšin. Předewšěm stawizny w tym zwisku bliže wobswětlichu. Najmjeńša ludowa skupina na lětušej europeadźe su Cymbrojo z Italskeje. Jich rěč wobknježi jenož hišće něhdźe 400 do 1 000 ludźi. Najwjetšu ličbu přisłušnikow maja Němcy z Južneho Tirola. Po oficialnych datach je jich něhdźe 350 000.

wozjewjene w: Sport
Prošu přizjewće so, chceće-li komentar podać

Serbska debata

nowostki LND