Liški jutře a njedźelu zaso na lodźe

štwórtk, 12. nowembera 2020
artikl hódnoćić
(0 )
Takle bychu so Łužiske lodohokejowe liški tež jutře a njedźelu rady wjeselili. Wobraz nasta minjeny pjatk, jako hrajachu Běłowodźenjo doma přećiwo Bayreuthskim tigram. Nad wrotami wjesela so tule Ondřej Poživil, Jakub Kania, Brad Ross, Tomáš Andres a Bennet Rossmy (wotlěwa).  Foto: Thomas Heide Takle bychu so Łužiske lodohokejowe liški tež jutře a njedźelu rady wjeselili. Wobraz nasta minjeny pjatk, jako hrajachu Běłowodźenjo doma přećiwo Bayreuthskim tigram. Nad wrotami wjesela so tule Ondřej Poživil, Jakub Kania, Brad Ross, Tomáš Andres a Bennet Rossmy (wotlěwa). Foto: Thomas Heide

Po njerozsudnymaj wuslědkomaj doma přećiwo Bayreuthskim tigram (2:2, 2:3 po třělenju penaltyjow) a pola Drjež­dźanskich lodowych lawow (4:4, 5:4 po podlěšenju) dyrbja Łužiske lodohokejowe liški jutře a njedźelu połnje dypkować, zo bychu z pincy tabulki DEL 2 wulězli. Jutře hraja wone přećiwo mustwu EC Kassel Huskies (19.30 hodź.) a njedźelu pola EV Landshuta (17 hodź.).

Spočatk tydźenja wobdźělichu so Bě­ło­wodźenjo na zarjadowanjomaj, a to w do­mje za rehabi­lita­ciju REHA VITA. Tam předstajichu sobudźěłaćerjo kompjuterowej systemaj Isokinetik a Orthelligent Pro. Wobaj stej za ambulantnu reha­bili­taciju a wuslědki grafisce pokazujetej. Nastroj za isokinetiku zmóžnja optimalnej natwar mocow a trening pohi­bli­wosće. Orthelligent Pro je system, kotryž trenuje stabilitu a agilitu. Dale słyšachu Liški přednošk „Zežiwjenje spor­towca we ­wukonowym sporće“. Jurij Bjeńš

1. Ravensburg Towerstars   2 6 d d

2. Bietigheim Steelers   3 6 ddp

3. EV Landshut   2 6 d d

4. EC Kassel Huskies   2 4 d n

5. ESV Kaufbeuren   2 3 p d

6. Lodowe piraty Crimmitschau 2 3 d p

7. EHC Freiburg   2 3 p d

8. Tölzske lawy   2 3 d p

9. EC Bad Naunheim   2 3 p d

10. Lawy Frankfurt   2 2 p n

wozjewjene w: Sport
Prošu přizjewće so, chceće-li komentar podać

Serbska debata

nowostki LND