Serbja finale jeno snadnje misnyli

póndźela, 04. julija 2022
artikl hódnoćić
(0 )

Korutanscy Słowjency – Serbske mustwo 1:0 (0:0)

Zestawa Serbskeho mustwa: Boese – G. Zahrodnik, Wałda (80. Lobeda), Woko, L. Zahrodnik (87. Domaška), Hrjehor, Kral, Šuliš (51. Kobelt), Krawčik, Šołta (44. Brühl), Rinza (70. Bogusz)

Něhdźe 40 mjeńšin wot swojeho kwartěra při Klopinjskim jězora (Klopeiner See) zdalene wočakowaše Serbske mustwo w Sele (Zele) połfinalnu hru přećiwo domoródnym Korutanskim Słowjencam. Wotpowědnje wjele fanow pjelnješe tribunu stadiona pod Košuto (Koschutastadion). Tak bě sej horcy bój na hrajnišću w dole Karawankowych horin něhdźe 650 přihladowarjow wobhladało.

wozjewjene w: Sport

Galerija

dalši wobraz (1) Serbscy fanojo na městnje w Korutanskej běchu serbskej wubrance wulka pomoc. Nic jenož w hrach předkoła, ale wosebje w połfinalnej hrě přećiwo domoródnym Korutanskim Słowjencam bě tak mjenowany dwanaty muž stajnje pódla a koparjow z kromy hrajnišća wótře a mócnje motiwowaše.
dalši wobraz (2) Kóždy wobdźělnik lětušeje 4. koparskeje europeady pola Korutanskich Słowjencow w Awstriskej dósta jako dopomnjenku medalju. Jan Bogusz (foto nalěwo), kotryž je na lětušej europeadźe dohromady troje wrota docpěł, je hordy na wukon serbskeho mustwa. W połfinalu měješe sej serbska wubranka přećiwo sylnym Korutanskim Słowjencam chětro ćežko. Přiwšěm pak serbscy koparjo wojowachu, kaž tule na scenje z połfinalneje hry w Celovcu widźeć (foto naprawo) Alexander Wałda z čo. 17 w dwuboju z korutanskim hrajerjom a Gabriel Zahrodnik (naprawo, čo 23). Jörg Stephan
dalši wobraz (3)
Prošu přizjewće so, chceće-li komentar podać

Serbska debata

nowostki LND