Widźał,słyšał, napisał (05.12.22)

póndźela, 05. decembera 2022
artikl hódnoćić
(0 )

Awtor dźensa

Beno Šołta

Što je so w předpolu přez swětowe mišterstwa diskutowało, tež hišće jako su so zahajili? Mjeztym pak je měrnišo. Haj, nimo sportowych wuslědkow so wjele mjenje wo wobstejnosćach dokoławokoło rěči. A što budźe po turněrje? Najskerje zabyte, hdys a hdys budźe so jednotliwje hišće na zarjadowanje w Katarje zhladować. Wulku kritisku bilancu, kiž sprawnje wšitko wuhódnoći, pak najskerje ženje dožiwjeć njebudźemy. Při wšěm sym sej wěsty, zo maja mnozy dale brjušebolenje při tym. Ale tež to słyšiš: Njezaměń politiku ze sportom! Sprawnje prajene je sport dawno hižo politiski. Hižo na tym městnje, hdyž praji sej šef swětoweho koparskeho zwjazka FIFA Gianni Infantino, zo su to krasne hry, haj najrjeńše hry wšěch časow tu w Katarje. Jako njeby druhdźe krasnych koparskich duelow dawało. Abo dobrych městnow za turněry.

wozjewjene w: Sport
Prošu přizjewće so, chceće-li komentar podać

Serbska debata

nowostki LND