„Wótčenaš ma tajki wostać“

póndźela, 08. januara 2018
artikl hódnoćić
(0 )

Mnichow (B/SN). Předsyda Němskeje biskopskeje konferency, kardinal Reinhard Marx, nima znowapřełožk Wótčenaša za trěbny. Wón praji, ze swojim wuprajenjom w italskej telewiziji „njeje k jednanju namołwił“. Kardinal Marx namje­tuje: „Tekst měł tajki wostać, měł pak so lěpje interpretować.“ Čitajće k tomu tež serbske měnjenje pod „Namjet bamža Franciskusa z wočomaj egezegety“ pod www.swjate-pismo.de/index.php?id=1000.

Miliony dźěći bjez kubłanja

Bonn (B/SN). Organizacija za kulturu a kubłanje Zjednoćenych narodow warnuje před swětowym hoberskim brachom na polu šulskeho kubłanja. 264 milionow dźěći a młodostni w starobje šěsć do 17 lět nima scyła žadyn přistup ke kubłanju, zdźěli Němska komisija UNESCO. W lětach 2010 do 2015 ležachu ličby nastupajo wuspěšne zakónčenje zakład­neho schodźenka jenož pola 83 procentow. W dalšim schodźenku (hač do 14 lět) bě to 69 procentow a na wyšim sekundarnym schodźenku (15 do 17 lět) jenož 45 procentow Awtorojo rozprawy UNESCO wo šulskim kubłanju namołwjeja knježerstwa po cyłym swěće, prawo na kubłanje přesadźić.

Cyrkej šwika eksport bróni

wozjewjene w: Cyrkej a swět
Prošu přizjewće so, chceće-li komentar podać

nawěšk

nowostki LND