Na jěchanski turněr
Jěchanske a jězdne towarstwo Njeswačidło wuhotuje turněraj w konjacym sporće na jěchanskej ležownosći w Holešowskej Dubrawce. Lětsa wospjet jako sakske mišterstwo w dresurje a skakanju. Jěcharjo a konje budu so w pruwowanjach hač do ćežkeje klasy S** wubědźować. Nimo jěchanskeho sporta změja w Holešowskej Dubrawce tež zabawy za swójby, kaž dźěćace jěchanje, molowansku a paslensku dróha, skakanski hród a słomjany hród.
13. – 15.06. skakanje
20. – 22.06. dresura
Swjeća wulki jubilej
Sportowe towarstwo Módro-běli Kulow swjeći lětsa swój 100. jubilej załoženja katolskeho sportoweho towarstwa. Nimo koparskich turněrow je tež wosadny swjedźeń planowany. Wjeršk budźe 29. junija duel Kulowčanow přećiwo FC Energiji Choćebuzu.
Finale w sakskim pokalu
Sakski koparski zwjazk přewjedźe jutře w Kulowje zhromadnje ze sportowym towarstwom Módro-běli Kulow dwě kónčnej hrě wo sakski pokal. Jutře w 11 hodź. hrajetej mustwje RB Lipsk a Kamjeničanski FC wo krajny pokal starobneje klasy sk15 a w 16 hodź. mustwje Lokomotiwy Lipsk a Dynama Drježdźany wo pokal starobneje klasy sk17.
