Napjata hra z furioznym wukóncom
ST Marijina hwězda
– Natwar Němske Pazlicy 3:2 (1:1)
Zestawa domjacych: Hejduška – R. Cyž, Rab, Bělk, Hawš, Wróbl, Ch. Cyž, Jurš (60. Peschmann), Šołta, Eldor (80. Winkler), Pjetaš (80. Lipič)
Při najrjeńšim nazymskim wjedrje witachu koparjo ST Marijineje hwězdy kermušnu njedźelu susodow z Němskich Pazlic. Dokelž je Pančičanski šeftrenar Erwin Kleinmann tuchwilu na dowolu, přewza kotrenar Bodo Pjetaš jeho zastojnstwo. Hry mjez woběmaj cyłkomaj běchu w zańdźenosći přeco jara napjate, tak tež tónkróć. Hač do 88. min. hosćo mjenujcy hišće z 2:1 nawjedowachu, wólnej kopaj w kónčnej fazy pak rozsudźištej derby za domjacych.
Dosć derje do sezony startowali
Motor hišće prawje njeběži
Sokoł Ralbicy/Hórki – Drohotka Ramnow 1:4 (0:1)
Zestawa domjacych: Schöne – Schultz, Wałda, Bjeńš, Materna (85. Lešawa), Rawš, Gloxyn, M. Matka (42. K. Matka), Šiman, G. Kurjat (69. M. Kurjat), Domaška
Koparjo Sokoła Ralbicy/Hórki hromadźa w tej sezonje radšo wonka dypki, doma wšak wočakuja w prěnjej połseriji stajnje najsylnišich cyłki tuteje ligi. Kulowej běchu 1:2 podleželi, 2:2 hrajachu přećiwo Hornjemu krajej nad Sprjewju, a nětko dóstachu sej njedźelu wot Drohotki Ramnow samo z 1:4 na měcu.
Wot spočatka Ramnowčenjo pokazachu, zo słušeja lětsa k wulkim faworitam na mišterstwo. W Ralbičanskej połojcy woni přeco z dwěmaj mužomaj atakowachu a sej tak spěšnje zaso bul wudobywachu. Po tym kombinowachu so wutrajnje na wrota Willija Schöny. Po jeho zmylku w 15. min. steješe tež hižo 0:1. Flanku Schöne prawje njezapřimny, a wotplacnjeny bul stłóči hóstny nadběhowar jenož hišće přez liniju. Z wulkotnymaj refleksomaj zadźěwa Ralbičanski wrotar na to hnydom dwójce wjetšemu zastatkej. Sokoljo mějachu jenož jeničku prawu móžnosć. Po róžku zhłójčkowa Bosćij Bjeńš bul na łatu. Z 0:1 dźěchu hosćićeljo do kabiny.
Druhe mustwo Pančičanskich a Worklečanskich wolejbulistkow w pokalu ...
Druhe zastupnistwo wolejbulistkow Hrajneho zjednoćenstwa Pančicy-Worklecy bě swoju sezonu z pokalnej hru zahajiło. Wužadanje bě wulke, wšako hrajne zjednoćenstwo hakle wot minjeneje sezony wobsteji. Nětko po dźělenju (SN wo tym rozprawjachu) mějachu so hrajerki druheho zastupnistwa za nowu sezonu w nowowutworjenym mustwje w krótkim času znowa namakać. Druhe zastupnistwo hraješe tuž prěni raz w tej konstelaciji.
HZ Pančicy-Worklecy II
– Nysa Wolejs II 2:0 (25:10, 25:6)
Hač do poslednjeho wojowali
SG Weixdorf
– SJ Chrósćicy 3:3 (2:1)
Zestawa hosći: Králíček – L. Zahrodnik (46. Špitank), F. Cyž, Sentivan, B. Cyž, M. Zahrodnik, G. Zahrodnik, Zynda, Püschel (63. Matješk), Bogusz, Žur
Po třoch dypkach w derbyju přećiwo Rakečanskemu ST chcychu Chróšćanscy koparjo we Weixdorfje znowa dypkować. Na kumštnym trawniku žadaše sej trenar Pavel Runt wot swojich chowancow wěstu defensiwu. Start do hry wupadaše dobry, w 27. min. hosćo nawjedowachu. Po flance Luciana Zahrodnika wotwobara Weixdorfski hrajer třělwu Simona Žura z ruku. Jědnatku rutinjej Miroslav Sentivan wěsće přetwori. Nadobo množachu so njewěstosće w srjedźnym polu a zmylki w Chróšćanskej defensiwje. Tak steješe w 30. min. po wólnym kopje domjacy hrajer samlutki w šěsnatce a z hłójčku wuruna. Wrotar Petr Králíček so bula hišće dótkny, njezamó pak třělwu porjadnje wotwobarać. Přihrawki hosći běchu husto předołhe, a tak w ofensiwje mało móžnosćow wuskoči. Byrnjež tež hosćićel přewjele składnosćow njeměł, wón tajke bjez smilnosće wužiwaše. Tak nawjedowaše we 38. min. po konteru 2:1.
Z třomi dypkami do cila
Wacker Nordhausen
– FC Energija Choćebuz 1:2 (1:2)
Zestawa hosći: Moser – Hasse, Müller, Koch, Borgmann, Broschinski, Eisenhuth, Erlbeck, Taz (57. Zickert), Rangelov (90. Beyazit), Brügmann
Tež šestu winowatostnu koparsku hru pospochi wosta FC Energija Choćebuz bjez poražki, po tym zo bě pola Wacker Nordhausena dobyće 2:1 swjećiła. Jednaše so wo načolnu hru štwórteho přećiwo pjatemu. Energija započa kaž sławna wohnjowa wobora a třěli dwoje wobhladanjahódne wrota, wšako hru dominowaše. Jara poradźenej kombinaciji zakónčištaj Axel Borgmann k 1:0 (4.) a Felix Brügmann k 2:0 (19.). Sekundy do přestawki pak třělichu hosćićeljo z ničeho 1:2 (45.).
Wrota domjacych za druhi połčas chětro motiwowachu. Nimo toho bu Tobias Hasse ze žołto-čerwjenej kartu pochłostany. Nětko měješe škit Energije hišće wjace dźěła. Z wuběrnym a bojowniskim wukonom pak so hosćo do cila wuchowachu. Georg Zielonkowski
Wuslědki (22.10.19)
Kopańca, krajna klasa
Drježdźanski SC – DD-Laubegast 0:2 (0:2)
Běła Woda – Ćisk2:0 (0:0)
Rakecy – Drježdźany-Strěžin 1:2 (1:0)
Wocl Rěčicy – Borea Drježdźany 3:4 (3:2)
Rotacija DD – Großröhrsdorf 1:2 (0:0)
Weixdorf – Chrósćicy 3:3 (2:1)
Trjebin – Wódrjeńca4:0 (1:0)
1. Drježdźany-Laubegast 8 24 : 14 17
2. TSV Rotacija Drježdźany 8 17 : 10 14
3. SZ Drježdźany-Strěžin 7 14 : 8 14
4. SC Borea Drježdźany 7 17 : 14 13
5. ST Trjebin 8 14 : 12 13
5. VfB Běła Woda 1909 8 14 : 12 13
7. SC Großröhrsdorf 8 11 : 12 13
8. Rakečanske ST 8 17 : 12 11
9. Drježdźanski SC 1898 8 10 : 12 8
10. SG Weixdorf 7 14 : 17 8
11. FC Wocl Rěčicy 7 14 : 17 7
12. ST Wódrjeńca 02 7 10 : 17 7
13. SJ Chrósćicy 8 12 : 17 6
14. ST Ćisk 7 7 : 21 2
wokrjesna wyša liga
Połčnica – Hnašecy-Dobruša 2:0 (1:0)
Kumwałd – Horni kraj4:4 (3:3)
Kulow – Großnaundorf 5:1 (1:0)
Ralbicy/Hórki – Ramnow 1:4 (0:1)
Wojerowski FC – Wachau 4:4 (2:3)
Marijina hwězda – Něm. Pazlicy 3:2 (1:1)
Porchow – Hory0:3 (0:0)
Kinspork/Łužn. – Germ. Budyšin 0:3 (0:3)
1. Drohotka Ramnow 9 29 : 10 24
2. Módro-běli Kulow 9 23 : 10 23
3. Póst Germania Budyšin 9 24 : 11 22
4. LSV Hory 9 19 : 14 18
5. ST Horni kraj-Sprjewja 9 26 : 15 16
6. Sokoł Ralbicy/Hórki 8 21 : 13 16
7. ST Marijina hwězda 9 20 : 19 14
8. ST Hnašecy-Dobruša 9 17 : 18 13
9. TSV Połčnica 9 19 : 30 12
10. SG Großnaundorf 9 16 : 19 10
11. TSV Wachau 10 22 : 25 9
12. Wojerowski FC 9 23 : 24 8
13. Natwar Němske Pazlicy 9 13 : 20 7
14. Motor Kumwałd 9 16 : 27 5
15. ST Kinspork/Łužnica 9 6 : 17 4
16. ST Porchow 9 6 : 28 3
wokrjesna liga, stafla 2
HZ Hórnikecy – Rakecy II/Šćeńca 5:0 (0:0)
Wojerowski FC II – Malešecy 1:3 (1:1)
Wulka Dubr. – Łaz/Běły Chołmc 0:3 (0:2)
Lubuš/Bluń – Łuty 2:4 (0:1)
Marijina hwězda pokalny derby dobyła
ST 1922 Radwor
– ST Marijina hwězda 0:3 (0:2)
Zestawa domjacych: Grenzemann – Buša, Wjacławk, Jendrewski (90. A. Schulze), Wjeńka, Nuk, Rachela, Paška (55. Dźisławk), Glücklich (71. Hettasch), Pječak, T. Schulze
zestawa hosći: Hejduška – Wróbl, Bělk (58. P. Schmidt, 75. O. Schmidt), T. Jurš, Zelnak, Rab, R. Cyž (66. Lipič), Hawš, Šołta, Eldor, Ch. Cyž
W druhim wokrjesnym pokalnym kole zetkaštej so w Radworju wokrjesny ligist z Radworja a wokrjesny wyši ligist z Pančic-Kukowa. Wobaj cyłkaj dyrbještaj někotrych hrajerjow kompensować. Pola hosći falowaše na přikład Oskar Hawš, pola domjacych Stephan Reineke, Sandro Kral, Michael Bauer a hač do zymy je so tež Fabian Šěrak ćežkeho zranjenja dla wotzjewił.
HZ Pančicy-Worklecy wuspěšne
Wolejbul, wobwodna liga žonow – wuchodna Sakska:
1. Koblicy-Ladykracher 3 9 :1 9
2. HZ Pančicy-Worklecy 3 9 :2 9
3. TSV Kundraćicy 3 5 :6 4
4. Doprědka Rothenburg 1 3 :1 3
5. Nysa Wolejs 2 3 :3 3
6. OSC Lubij 2 4 :5 2
7. Ochranowske wolejf. 3 3 :9 0
8. MSV Budyšin 04 II 2 0 :6 0
9. ST Kupoj-Nowa Łuka 1 0 :3 0
Prěnje zastupnistwo Hrajneho zjednoćenstwa Pančicy-Worklecy, kiž hraje we wobwodnej lize wuchodna Sakska, měješe sobotu tydźenja dypkowu hru w Rychbachu (Reichenbach). Po tym zo bě druhe zastupnistwo hižo dopołdnja wuspěšnje hrało a sej prěnje tři dypki sezony zawěsćiło, běchu hrajerki HZ Pančicy-Worklecy popołdnju na rjedźe.
Beata Čórlichec ćežki Ironman zmištrowała
Poprawom nochcyše so 46lětna Serbowka lětsa na kupje Hawaii wubědźować. Jeje wulki wuspěch spočatk julija w triatlonje na kanariskej kupje Lancarote w Atlantiskim oceanje, kiž přesahowaše kwalifikaciske žadanje za Hawaii wuznamnje, pak je wjedł k rozsudej, tydźenja pjaty raz tola na Hawaii startować, štož běše cyle prawje.
Wuběrnje je so tam znowa wubědźowała mjez nimale 2 500 starterami ze wšěch kontinentow swěta, mjez kotrymiž bě něhdźe dźesaćina profijow. Cyłkownje je 2 373 atletow, mjez nimi 651 žónskich starterkow, tele hoberske wužadanje zmištrowało. Mjez nimi běše 279 atletow z Němskeje. Wšitcy mějachu so z wysokej temperaturu, tužnotu, wětřikom, žołmami atd. chětro bědźić při płuwanju w oceanu (3,8 km), kolesowanju w bliskich horach (180 km) a w marathonowym běhu po skamjentnjenej lawje (42,195 km).
