Syć za dźěło z dźěćimi a młodźinu chce kooperaciju ze SŠT wožiwić
Biskopicy/Němske Pazlicy (SN/MiR). Nawoda Biskopičanskeje Syće za dźěło z dźěćimi a młodźinu (KiJu) Andreas Mikus móhł sej předstajić, serbsko-němski prózdninski poskitk přewjesć. Tale ideja nawjazuje na zwiski ze Serbskim šulskim towarstwow (SŠT), kotryž bě za KiJu wjacore lěta spušćomny partner we wobłuku dobrowólneho socialneho lěta. „Mjeztym móžemy sej předstajić, ze serbskim partnerom při haće w Němskich Pazlicach prózdninske lěhwo přewjesć“, Mikus rjekny a doda: „Čehodla nic na dobre nazhonjenja nawjazać?“ Přichodne tydźenje chce so wón z předsydku SŠT Katharinu Jurkowej wo ideji rozmołwjeć.
