Witaja pyšny adwent

pjatk, 20. nowembera 2026
artikl hódnoćić
(0 )
Mějićelka Wudworskeho zahrodnistwa Kerstin Krollowa (nalěwo) zhladuje lětsa na poł lětstotka wobstaća swojeho předewzaća. Před 15 lětami je zahrodnistwo wot přichodneju staršeju přewzała. Zhromadnje ze swojimi přistajenymi, mjez kotrymiž stej Claudia Lochowa (naprawo) a Sara Mikławškowa, je nimale cyły měsac dołho wšitko přihotowała, zo móhli njedźelu do prěnjeho adwenta lětsa wosebitu pychu prezentować a kupcow z wobšěrnym poskitkom witać.  Foto: Betina Wenderothowa Mějićelka Wudworskeho zahrodnistwa Kerstin Krollowa (nalěwo) zhladuje lětsa na poł lětstotka wobstaća swojeho předewzaća. Před 15 lětami je zahrodnistwo wot přichodneju staršeju přewzała. Zhromadnje ze swojimi přistajenymi, mjez kotrymiž stej Claudia Lochowa (naprawo) a Sara Mikławškowa, je nimale cyły měsac dołho wšitko přihotowała, zo móhli njedźelu do prěnjeho adwenta lětsa wosebitu pychu prezentować a kupcow z wobšěrnym poskitkom witać. Foto: Betina Wenderothowa

Krollec zahrodnistwo we Wudworju zakónči swoje 50. jubilejne lěto

Wudwor (SN/BeW). Kotry adwentny wěnc lětsa blido pyši? Wěsće to hižo? Sće skerje tradicionalny typ abo maće kóžde lěto nowe ideje za adwentnu dekoraciju? Floristka Claudia Lochowa přeradźi, zo su lětsa sekle trend, a to we mnohich wulkosćach a barbach. A wulki comeback kiwa Fröbelowym hwězdam.

W přihotach na tradicionalnu adwentnu wustajeńcu pola Krollec we Wudworju so sobudźěłaćerki hižo w pózdnim lěću z tym zaběraja, što móhli kupcam prezentować. Po swjedźenju wšěch swjatych započina so poprawne dźěło, mjenujcy kreatiwne wuhotowanje, wiće wěncow a wupytanje dekoratiwnych elementow. „Někotři kupcy“, tak powěda nawodnica zahrodnistwa Kerstin Krollowa, „přinjesu kóžde lěto swoje krosno za adwentny wěnc abo rynku za wěnc k nam.“ Florisća, kotřiž su eksperća na tymle polu, potom­ wěncy wotpowědnje přećam kupcow wobwija a z dekoratiwnymi elementami wudebja. Dypkownje na prěni adwent pyša potom na přikład wukła­dne wokno pjekarnje w Chrósćicach a druhdźe we wokolinje zahrodnistwa.

wozjewjene w: Łužica

Galerija

dalši wobraz (1) Floristka Claudia Lochowa wě, zo su najebać wšitke trendy za adwentnu pychu kwětki kaž na přikład hodowne hwězdy jara wažne.
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo