Smječkecy (SN/MiR). Na prěnim lěćnym kinje w Smječkecach běži tutu sobotu film „Ein Feuerwerk für eine Kleinstadt“. Serbska dźiwadźelnica Božena Bjaršec je, runje tak kaž jeje kolegina Petra-Maria Bulank-Wenzlowa zhromadnje z lajskimi hrajerjemi, kotřiž su wšitcy łužiskeho pochada, we filmje sobu skutkowała. Tuchwilu pokazuje jón filmowa produkcija Lusatia Film wosebje w Delnjej Łužicy. Tež w Žitawje je hižo běžał. „Tuž sym wo to prosyła, zo by so tež mjez Serbami w Hornjej Łužicy pokazał. A to so nětko poradźi“, Božena Bjaršec rozłožuje.