W swojim ródnym domje w Dźěžni­kecach južnje Budyšina swjeći dźensa Helmut Gros swoje 90. narodniny. Wón słuša k poslednim maćernorěčnym Serbam w kónčinje pod łužiskimi horami. Čas žiwjenja je so w přeněmčenej woko­linje k serbstwu wuznawał a je aktiwnje w serbskim towarstwowym, kulturnym a cyrkwinskim wobłuku skutkował. Za to słuša jemu na jeho čestnym dnju zjawne připóznaće.