Na raka zemrěteho wopominali

pjatk, 29. julija 2016
artikl hódnoćić
(0 )

Bamž Franciskus so w Krakowje z młodostnymi a z knježerstwom zetkał

Waršawa. Swětowe zetkanje młodźiny swěta w Krakowje a wosebje wopyt bamža Franciskusa je tele dny wšo přesahowaca tema we wšitkich pólskich medijach. Jara wobšěrnje wěnuja so hober­skemu terminowemu planej hłowy katolskeje cyrkwje. Tydźenik Newsweek Polska je samo wosebite wudaće spřihotował. W nim wobjednawaja stawizny cyrkwje runje tak kaž skandale we Vatikanje abo mysteriozne smjerće wjacorych bamžow w zašłosći. Druhe nowiny, kaž Gazeta Wyborcza, analyzuja w tym zwisku aktualne połoženje katolskeje cyrkwje. Při tym zwěsćeja, zo drje so w kraju 92,8 procentow ludźi k njej wu­znawa. Jeno 40 procentow pak hišće prawidłownje kemši chodźi. Chětro njespokojaca je pječa tež situacija měšniskich seminarow: Pólskej młodźinje njeje powołanje duchowneho hižo atraktiwne dosć.

wozjewjene w: Słowjanski wukraj
Prošu přizjewće so, chceće-li komentar podać

nowostki LND