Romojo so hibaja

pjatk, 05. julija 2019
artikl hódnoćić
(0 )
Brüssel (ČŽ/K/SN). Tysacy Romow z Čěskeje, Słowakskeje, Madźarskeje, Wulkeje Britaniskeje, Španiskeje a dalšich krajow chcedźa so póndźelu w Brüsselu k demonstraciji zhromadźić, zo bychu přećiwo chudobje a diskriminaciji protestowali. To zdźěla powěsćernja ČTK. Nawodow Europskeje unije chcedźa na to skedźbnić, zo z radikalizaciju towaršnosće tež rasowa hida přiběra. Zdobom wotmysla zwuraznjeć, zo pjenjezy, pósłane wot EU do jednotliwych krajow za přewinjenje chudoby Romow, často w priwatnych móšnjach wisajo wostawaja. Jedyn z hłownych podpěraćelow demonstracije, we Wulkej Britaniskej jako šofer nakładneho awta dźěłacy romaski aktiwist Stefan Ponga, powěda, što je jeho pohnuło akciju sobu organizować. Njedawno je we wuchodnej Słowakskej był a nazhonił, zo tam njeličomne romaske swójby přisamom žiworja, njemějo wodu ani płun, za to hromady wotpadkow. Dźěći hrajkaja sej mjez wulkimi myšemi, chori wostawaja bjez lěkarskeje pomocy.
wozjewjene w: Słowjanski wukraj
Prošu přizjewće so, chceće-li komentar podać

nawěšk

nowostki LND