Bywši general NATO nowy prezident Čěskeje

pjatk, 10. měrca 2023
artikl hódnoćić
(0 )
Petr Pavel je nowy prezident Čěskeje. 61lětneho su wčera na Praskim hrodźe jako nowu hłowu stata spřisahali. Pavel naslěduje 78lětneho Miloša Zemana. Wulka ličba přihladowarjow slědowaše ceremoniju na wobrazowkach pod hołym njebjom. Po swjatočnosći poda so Pavel na naměsto před hrodom k pomnikej załožerja Čěskeje republiki Tomáša Garrigueja Masaryka.  Foto: pa/AP/Petr David Josek Petr Pavel je nowy prezident Čěskeje. 61lětneho su wčera na Praskim hrodźe jako nowu hłowu stata spřisahali. Pavel naslěduje 78lětneho Miloša Zemana. Wulka ličba přihladowarjow slědowaše ceremoniju na wobrazowkach pod hołym njebjom. Po swjatočnosći poda so Pavel na naměsto před hrodom k pomnikej załožerja Čěskeje republiki Tomáša Garrigueja Masaryka. Foto: pa/AP/Petr David Josek

Praha (dpa/SN). Čěska republika ma wot wčerawšeho noweho prezidenta. Bywšeho generala NATO Petra Pavela su wčera jako nowu hłowu stata spřisahali. 61lětny je na zhromadnym posedźenju wo­beju komorow parlamenta na Praskim hrodźe přisahu do zastojnstwa złožił. Mnozy slědowachu ceremoniju na wulkich wobrazowkach pod hołym njebjom. W po­litice dotal njenazhonity Pavel bě so w rozsudnym kole prezidentskich wólbow kónc januara přećiwo bywšemu ­ministerskemu prezidentej Andrejej Babišej z 58,3 procentami hłosow jasnje přesadźił. Pavel přewozmje zastojnstwo wot swojeho předchadnika, 78lětneho Miloša Zemana. Wón nawjedowaše wot 2015 hač do 2018 jako general wojerski wuběrk NATO. Čěska přisłuša wot lěta 1099 NATO a wot lěta 2004 tež Europskej uniji.

W swojej prěnjej narěči přilubi Peter Pavel knježerstwu w Ukrainje dalšu podpěru w boju přećiwo ruskim nadpadnikam. Jemu je wažne, zo rěči Europa w tymle prašenju z jednym hłosom.

wozjewjene w: Słowjanski wukraj
Prošu přizjewće so, chceće-li komentar podać

Serbska debata

nowostki LND