Dobrindt při mjezy so wobhonił

póndźela, 21. julija 2025
artikl hódnoćić
(0 )

Němsko-pólske konsultacije k prašenjam njeregularneje migracije

Waršawa (dpa/SN). W boju wo wotwo­baranje njeregularneje migracije je so zwjazkowy minister za nutřkowne naležnosće Alexander Dobrindt dźensa w Pólskej wo połoženju na wonkownej mjezy EU k Běłoruskej wobhonił. Na jednym z pomjeznych přechodow je so politikar CSU ze swojim pólskim kolegu Toma­szom Siemoniakom zetkał. Wobaj chcy­štaj wo problemach migracije rěčeć a móžne škitne naprawy wobjednawać. Wosebje wažny je dialog mjez krajomaj, Dobrindt do zetkanja zwurazni.

Pólska je swoju wuchodnu mjezu k Běłoruskej sylnje wobtwjerdźiła, dokelž so wottam stajnje zaso ćěkancy do Pólskeje a tak na teritorij EU předrěwaja. Waršawa z toho wuchadźa, zo Běłoruska a Ruska ćěkancow zaměrnje k pólskej mjezy sćeletej, zo byštej EU pod ćišć stajiłoj a tak destabilizowałoj. Stajnje zaso migranća tež namócnje přećiwo pólskim pomjeznym policistam postupuja. Hakle minjeny tydźeń su při tym pólskeho wojaka zranili.

wozjewjene w: Słowjanski wukraj
Prošu přizjewće so, chceće-li komentar podać

Chróšćan Šulerjo

nowostki LND