Pólske statne rěčnistwo měri so na imunitu zapósłanca Zbigniewa Ziobra
Waršawa (dpa/SN). Generalne statne rěčnistwo Pólskeje chce bywšeho justicneho ministra Zbigniewa Ziobra podhlada korupcije dla zajeć dać. Wotpowědnu próstwu, imunitu dźensnišeho zapósłanca narodnokonserwatiwneje strony Prawo a sprawnosć PiS zběhnyć, su nawodnistwu parlamenta přepodali.
Statne rěčnistwo přepytuje přećiwo 55lětnemu w cyłkownje 26 padach chłostajomnych njeskutkow dla. Mjez druhim na to tukaja, zo je Ziobro kriminelne zjednoćenstwo załožił a 35 milionow eurow překřiwił. Nimo toho je swoje prawa znjewužiwał a swoje winowatosće w zastojnstwje zanjechał. Po informacijach přepytowarjow hrozy jemu w padźe zasudźenja jastwo hač do 25 lět.
