Marek Krawc rozprawja wo aktualnje rozjimanych temach w Čěskej

Praha. Čěski kardinal Dominik Duka je w nocy na wutoru 82lětny w Praze ze­mrěł. Duka narodźi so 1943 a wojowaše w ČSSR přećiwo komunizmej. 2010 bu na Praskeho arcybiskopa wuswjećeny. Dwě lěće pozdźišo jeho bamž Bendedikt XVI. za kardinala powoła. Duka bě wu­znamna wosobina čěskeje katolskeje cyrkwje a zjawneho žiwjenja, zdźěli premiermi­nister Petr Fiala krótko po ­Dukowej smjerći. Žarowanska swja­točnosć wotměje so 15. nowembra w Praskej katedrali swjateho Wita.