Doma jasnje podleželi

póndźela, 09. awgusta 2021
artikl hódnoćić
(0 )
W Njebjelčicach stej wčera wokrjesny ligist SJ Njebjelčicy a wokrjesny wyši ligist Sokoł Ralbicy/Hórki přećelsku hru přewjedłoj, kotruž hosćo jasnje dobychu.  Foto: Konstantin Hrjehor W Njebjelčicach stej wčera wokrjesny ligist SJ Njebjelčicy a wokrjesny wyši ligist Sokoł Ralbicy/Hórki přećelsku hru přewjedłoj, kotruž hosćo jasnje dobychu. Foto: Konstantin Hrjehor

SJ Njebjelčicy – Sokoł Ralbicy/Hórki 1:6 (1:3)

Za domjacych zasadźeni: Matješk – Šołta, Haška, Reinelt, Hanuza, Lejnart, Korjeńk, Čornak, F. Domš, Ričel, O. Domš, Kral, Wagner, Reineke, Hübenthal, Schaaf

Za hosći zasadźeni: Schöne – M. Matka, Janca, K. Matka, Rachela, Wałda, T. Bejma, Kurjat, Šołta, Gloxyn, B. Bejma, Schulz, Šewc, Rawš, Nuk, Budar, Materna, Šiman

Tež lětsa běštej so koparskej cyłkaj z Njebjelčic a Ralbic na testowu partiju dojednałoj. Po zahwizdanju w 4. min. nawjedowaše Sportowa jednotka přez Floriana Domša 1:0. Gabriel Čornak posłuži Handrija Korjeńka, kiž bul hnydom Domšej dale suny, a tón z połneho běha wottřěli. Wotnětka pak Sokoljo dominowachu a stłóčichu domjacych połnje do zakitowanja. Bosćij Bejma zběhny kulowatu kožu do šěsnatki, a Aleksander Wałda přetwori w 10. min. k 1:1. Do přestawki nastachu přez zmylkaj w srjedźnym polu a potom před swójskej šěsnatku dalše wrota přećiwnika přez Maika Jancu a Dennyja Gloxyna (29., 32.). Njebjelčenjo přińdźechu w cyłym prěnim połčasu lědma hišće k wolóžacym nadběham.

wozjewjene w: Sport
Prošu přizjewće so, chceće-li komentar podać

Serbska debata

nowostki LND