Awtor dźensa

Pětr Šołta

Tour Divide je ultra-wubědźowanje za hórske kolesa, kotrež wjedźe podłu horin Rocky Mountains wot města Banff w Kanadźe hač do juha USA k mexiskej hranicy. Něhdźe 4400 km dołha čara je nimale identiska z tak mjenowanej Great Divide Mountain Bike Route. Na tule jězbu so kóžde lěćo tójšto hobbyjowych sportowcow zwaži, zo bychu sej krasnu přirodu lubić dali a zdobom swójsku kondiciju a spušćomnosć kolesa na wužadowacej jězbje pruwowali. To njeje potajkim žane mědlizanje a naročniše, hač wulět po Žabjacym kolesowarskim puću.