Kónčna tabulka 2018
Rjelka/Wjeńka/Gall 6 12 : 1 12
Spiesec/Mieth 7 11 : 6 10
Bětnar/Wahlicht/Smoła 5 9 : 2 8
Smoła/Šołta 7 9 : 8 8
Šewc/Bjeńš 3 6 : 0 6
Cyž/Krawc 4 5 : 4 4
Škit Budyšin 6 6 : 9 4
Langa/Heeleman/Hanuza 9 5 : 15 4
Cyž/Zelnak/Cyž 6 3 : 10 2
Gedik/Šołta/Rawšec 4 1 : 8 0
Lěćo 2018 bě přemóžace – za bičwolejbul njedawachu poprawom žane lěpše wuměnjenja. Dwójce abo trójce su Serbske Nowiny wo Serbskej bičwolejbulowej lize rozprawjeli, na to pak wo njej ničo wjac słyšeć njebě. Kilian Hrjehor bě tuž wćipny a so załožerja Jurja Bjeńša mjez druhim prašeše, kak je liga lětsa wušła.
Jurjo, dołho njejsmy ničo wo Serbskej bičwolejbulowej lize słyšeli. Krótko do hód wuchadźam z toho, zo so žane hry wjac njewotměja, abo?
J. Bjeńš: Ně, wězo nic. Sak w Róžeńće sym w oktoberskich prózdninach zrumował, posledni duel pak bě hižo w awgusće.
Kaž z tabulki wučitam, njejsće lětsa znowa wšitke hry přewjedli. Na wjedrje pak njeje to zaležeć móhło!