Tři serbske mustwa pódla byli

wutora, 05. oktobera 2021
artikl hódnoćić
(0 )
Serbska bičwolejbulowa šestka w Lipsku: Ludwig Eckert, Jurij Lipič, Clemens Eckert, Maks Jurak (zady), Paul Hančik (prědku) a Józef Šnajder (wotlěwa) Foto: Mato Eckert Serbska bičwolejbulowa šestka w Lipsku: Ludwig Eckert, Jurij Lipič, Clemens Eckert, Maks Jurak (zady), Paul Hančik (prědku) a Józef Šnajder (wotlěwa) Foto: Mato Eckert

Bičwolejbulowy turněr so w měsće wikow Lipsku wotměł

26. požnjenca wotmě so w Lipsku posledni turněr lětušeje LE-bičtury. Tónle turněr mjenuje so „L.E.-beach meets Sachsen-beach“ a běše minjene lěta přeco wulki podawk na Augustusowym naměsće wosrjedź města. Lětsa dyrbjachu organizatorojo falowaceje planowanskeje wěstoty a korony dla wubědźowanje přesunyć a na areal při tak mjenowanej boulderowej hali „Bloc No Limit“ pře­połožić. Tak je bohužel jenož wosom mustwow z cyłeje Sakskeje připrajiło. To popra­wom žana wosebita powěsć njeje, ale zo bě mjez tymi 16 hrajerjemi šěsć Serbow, je pak wulkotna wěc. Tući šesćo z prěnjeho mustwa Viktorije Worklecy (hlej foto) su poprawom nimale jedna startowa šestka, jeničce přistajer pódla njebě. Ale w pěsku su tak a tak wšě kwa­lity wolejbulista we wobaranju, přihraću a nadběhu prašane.

wozjewjene w: Sport
Prošu přizjewće so, chceće-li komentar podać

Serbska debata

nowostki LND