Nowostki wo čerwjenym planeće

Budyšin. Pod hesłom „Mars w fokusu – aktualne slědźenje a wizije“ zakónči Budyska hwězdarnja jutře, sobotu, lětuši rjad přednoškow wo „čerwjenym planeće“. W srjedźišću steja „najnowše dopó­znaća, złožowace so na wuspěšne misije ze sondami kaž tež z jězdźidłami a samo z helikopterom“. Zarjadowar přilubja „dych wotražace wobrazy, kotrež dźa­kowano wysokemu rozpušćenju samo najmjeńše detaile na powjerchu pokazuja“. Zarjadowanje započnje so w 17.30 hodź., zastup płaći 10 resp. potuńšeny 5 eurow. Swójbny tiket je za 20 eurow na předań.

Beneficny koncert za sotrownju

Mały Wjelkow. Dujerski ansambl Ochranowskeje bratrowskeje wosady Moravian Brass koncertuje jutře, sobotu, w 19 hodź. na cyrkwinskej žurli w Małym Wjelkowje. Program beneficneho zarjadowanja pod nawodom Jensa Bauera wopřijima twórby z wšelakich dobow. Zastup je darmotny, z dobrowólnym pjenježnym darom móža hosćo Małowjelkowsku sotrownju podpěrać.

Předstajenje filma a rozmołwa