Měrna rytmiska hudźba a twjerde zynki

pjatk, 15. julija 2016
artikl hódnoćić
(0 )
Skupina Widła z gitaristom Symanom Deleńkom, bubnarjom Wincencom Wałdu, spěwarjom Aleksandrom Grzybom a bas gitaristom Stanijom Wićazom (wotlěwa) je na koncerće Nukničanskeho towarstwa barakka swójske titule w serbskej rěči prezentowała. A to bě jedyn  z wjerškow wječora.  Foto: Feliks Haza Skupina Widła z gitaristom Symanom Deleńkom, bubnarjom Wincencom Wałdu, spěwarjom Aleksandrom Grzybom a bas gitaristom Stanijom Wićazom (wotlěwa) je na koncerće Nukničanskeho towarstwa barakka swójske titule w serbskej rěči prezentowała. A to bě jedyn z wjerškow wječora. Foto: Feliks Haza

Barakka w Nuknicy jubilej swjećiła

Poslednju sobotu w juniju swjećeše towarstwo barakka „stoćiny“. Tale ličba wšak zestaja so tróšku lóštnje z wjacorych jubilejow: Su to 20 lět po prěnim koncerće w Nu­kničanskej kulturnej ba­race, 20. jubilej skupiny Stoned Hajtzer, 20. jubilej skupiny Crying Blue, 15lětne wobstaće DeyziDoxs, 15 lět Blind Judgement (inkl. dźesaćlětne posmjertniny) a dźesać lět skupiny Widła.

Přeprošeni běchu tučasni a něhdyši čłonojo barakki, wjesnjenjo a sympatizanća live-hudźby. Swjedźeń započa so z kofejom a tykancom. Tón abo tamny je hižo přichodnu generaciju „barakkownikow“ sobu na swjedźeń přiwjedł. Ći mali wužiwachu předwječorne hodźinki za to, běhać za mydliznowymi pucherjemi a woptać jubilejnu tortu. Ći wulcy činjachu to z piwom a bjesadu.

Z wuhotowanjom běchu sej zamołwići, kaž je to tež z festiwala Nukstock znate, wjele prócy dawali. Tak natwarichu stanowe jewišćo, budku za kulinariske wosebitostki, spřihotowachu městno za hraće kickera a přetwarichu nutřkownu rumnosć baraki na baru a za hladanje kopańcy.

wozjewjene w: Kultura & wuměłstwo
Prošu přizjewće so, chceće-li komentar podać

nawěšk

nowostki LND