Nětko su chronikijeho wosebity konik

pjatk, 16. septembera 2016
artikl hódnoćić
(0 )
 Horst Adam bě 31 lět šefredaktor delnjoserbskeho tydźenika Nowy Casnik.  Foto:  Alfons Wićaz Horst Adam bě 31 lět šefredaktor delnjoserbskeho tydźenika Nowy Casnik. Foto: Alfons Wićaz

Na wopyće pola delnjoserbskeho žurnalista a publicista w Choćebuzu

Rjany to wuhlad z balkona bydlenja serbskeho žurnalista a publicista na Augusta Bebelowej w Choćebuzu. 77lětny Horst Adam widźi tu hišće dźěl bywšeho palencoweho zawoda Melde. Je pak tež dožiwił, kak su mjez staršimi domami nowe po modernym twarskim stilu nastali. „Tule rady sedźu a wo swojim žiwjenju, dźěle a idejach rozmysluju. To je za mnje a za moju partnerku Helgu, z kotrejž tu hižo pjeć lět bydlu, woprawdźity tuskulum.“ Byrnjež Choćebužan hižo­ wot lěta 2004 rentnar był, njemysli na to, pjero nabok połožić. Nadal začuwa wón tajku nutřkownu ćěr, za Nowy Casnik, Serbske Nowiny, rozhłós RBB kaž tež za němskorěčne nowiny přinoški pisać. Zas a zaso předstaja žurnalist z ćěłom a dušu ludźi, aktiwnych Delnjoserbow, ale tež wsy, hdźež bydla. Jeho zajimuja jich wuwiće, wjesela a starosće kaž tež stawizny wsy. Wot spočatka swojeho žurnalistiskeho a publicistiskeho skutkowanja je dźě to praktikował a wosebje w lětach 1973 do 2004, jako bě šefredaktor delnjoserbskeho tydźenika Nowy Casnik.

wozjewjene w: Kultura & wuměłstwo

Galerija

dalši wobraz (1) List Miny Witkojc bywšemu šefredaktorej Noweho Casnika Horstej Adamej
Prošu přizjewće so, chceće-li komentar podać

nawěšk

nowostki LND