Swjedźenska fanfara Jana Cyža překwapiła

pjatk, 18. meje 2018
artikl hódnoćić
(0 )
53. hudźbne dny we Wojerecach zahaji wyši měšćanosta Stefan Skora a hódnoćeše při tym nowu swjedźensku fanfaru, kotruž běše Budyski komponist Jan Cyž na serbskej motiwaj spisał. Foto: Uwe Menschner 53. hudźbne dny we Wojerecach zahaji wyši měšćanosta Stefan Skora a hódnoćeše při tym nowu swjedźensku fanfaru, kotruž běše Budyski komponist Jan Cyž na serbskej motiwaj spisał. Foto: Uwe Menschner

Serbske impresije z 53. Wojerowskich swjedźenskich dnjow hudźby

Dwanaće koncertow, kotrež wuhotowa wjace hač 200 interpretow, steješe na programje lětušich 53. Wojerowskich swjedźenskich hudźbnych dnjow. Wo serbske impresije pak njepostara so jeno Serbski ludowy ansambl Budyšin z interaktiwnej bajku „Překlepana liška“ na tekst Jěwy-Marje Čornakec a z hudźbu Liany Bertók.

Na zahajenskim koncerće we Łužiskej hali překwapichu dołholětnych stajnych wopytowarjow kaž tež čestnych hosći z nowej swjedźenskej fanfaru. Wyši měšćanosta Stefan Skora předstaji hudźbnje zhusćeny kruch w přitomnosći komponista Jana Cyža jako něšto poradźeneho. Konserwa dotalneje fanfary z pjera Jana Pawoła Nagela njehodźeše so po lětach jewjacych so techniskich njedostatkow dla hižo wužiwać. „Ideju za nowu fanfaru poprawom dawno hižo mějachmy. Wona pak njebu ženje zrealizowana. Jan Cyž je runje to, štož chcychmy a trjebachmy, do notow přetworił“, praji šefchoreografka hudźbnych dnjow Carmen Hofmann.

wozjewjene w: Kultura & wuměłstwo

Galerija

dalši wobraz (1) Annette Thiem, Christine Hesse a Ines Hommann (wotlěwa) we Wojerowskim hrodźe Foto: Katrin Demczenko
Prošu přizjewće so, chceće-li komentar podać

nawěšk

nowostki LND