Nowe drohotne dokumenty wo Witkojc z Čěskeje

pjatk, 18. meje 2018
artikl hódnoćić
(0 )
Daniela Edelmannowa (naprawo), Bärbel Schubertowa a Pětš Janaš w rozmołwje  Foto: Horst Adam Daniela Edelmannowa (naprawo), Bärbel Schubertowa a Pětš Janaš w rozmołwje Foto: Horst Adam

Před 125 lětami delnjoserbska basnica so narodźiła

28. meje by zasłužbna a wuznamna delnjoserbska basnica, prócowarka a publicistka Mina Witkojc 125. narodniny swjećiła. Rodźena w Bórkowach jako Anna Wilhelmine Wittka zemrě wona 11. nowembra 1975. Jeje basnje a štučki – w 25 lětach dohromady 128 (poslednja z lěta 1946) – a jeje wobšěrne publicistiske dźěło jako zamołwita redaktorka Noweho Serbskeho Casnika a Serbskeho Casnika 1923 do 1931 pozběhnychu delnjoserbsku literaturu a nowinarstwo po wobsahu a rěči na nowy wysoki niwow. Wu­znamne su tež jeje přełožki znatych literatow do delnjoserbšćiny – na přikład Ćišinskeho, Zejlerja, Andrickeho, Němcove- je a Puškina. W mnohich knižkach a knihach su dźensa jeje literarne twórby přistupne w delnjoserbskej, hornjoserbskej, němskej a dalšich słowjanskich rěčach.

wozjewjene w: Kultura & wuměłstwo

Galerija

dalši wobraz (1) Poetka a publicistka Mina Witkojc
Prošu přizjewće so, chceće-li komentar podać

nawěšk

nowostki LND