By tež rady raz we Łužicy wustajał

pjatk, 15. junija 2018
artikl hódnoćić
(0 )
Bywši fyzikar Kurt Cobela je so swojeho powołanja wzdał a so ze swobodnje tworjacym wuměłcom stał.  Foto: Šćěpan Ričel Bywši fyzikar Kurt Cobela je so swojeho powołanja wzdał a so ze swobodnje tworjacym wuměłcom stał. Foto: Šćěpan Ričel

Interview z tworjacym wuměłcom Kurtom Cobelu, rodźenym Choćebužanom

Hač do 14. apryla je w Choćebuzu rodźeny 82lětny Kurt Cobela w CLB Berlin, Aufbau Haus, pod titulom „Caprichos“ swoje wobrazy wustajał. Šćěpan Ričel je so z nim rozmołwjał.

Knježe Cobela, poprawom rěkaće oficialnje Schneider. Čehodla sće sej jako wuměłc mjeno Cobela wupytał?

K. Cobela: Je samo mi wěste hódančko, kak sym na te mjeno přišoł. W času, jako so swojeho powołanja jako fyzikar wzdach a so z molerstwom zaběrać počach, přesydlich so do Španiskeje. Došedši do Malagi mějach składnosć, so na wulkej wustajeńcy wobdźělić. Tuž wězo zwučne mjeno trjebach. Cobela je swójbne mjeno mojeje maćerje, a w tym dźělu swójby čujach so stajnje lubosćiwje a jara derje schowany. Swójba Schneider bě skerje małobyrgarska.

Sće so w Choćebuzu narodźił. Wěm, zo bě Waša mać wuznawaca Serbowka. Kak sće to jako dźěćo a młodostny dožiwił?

K. Cobela: W Choćebuzu sym hač do 1947 bydlił. Moja mać je delnjoserbsce rěčała. Poprawom njemějach to za něšto wosebiteho. Za mnje bě normalne, zo mać ze swojej maćerju druhu rěč rěčeše.

wozjewjene w: Kultura & wuměłstwo

Galerija

dalši wobraz (1) Wuměłc Cobela ze swojej mandźelskej Giselu doma w Berlinje
Prošu přizjewće so, chceće-li komentar podać

Serbska debata

nowostki LND