Kamor jako portal

pjatk, 15. měrca 2019
artikl hódnoćić
(0 )
Marju (Majka Kowarjec) a wo nju luboznje staraceho so hladarja Jana (Marian Bulank)  zwjazuje wjace, hač je woběmaj wědome. Foto: SN/Maćij Bulank Marju (Majka Kowarjec) a wo nju luboznje staraceho so hladarja Jana (Marian Bulank) zwjazuje wjace, hač je woběmaj wědome. Foto: SN/Maćij Bulank

Wjeleworštowa stawizna na třoch runinach časa

„Wopušćeny dom“ rěka kruch, kotryž Budyske Němsko-Serbske ludowe dźiwadło lětsa jako hornjoserbsku produkciju na hłownym jewišću pokazuje. Awtorka Carla Niewöhner je hru jako swójbny mozaik koncipowała. Na třoch časowych runinach wobswětla wona stawizny swójby w Miłorazu. Stajnje prezentne je wohroženje wsy wudobywanja brunicy dla. Zemski pokład twori tuž čerwjenu nitku jednanja, njeje pak žro scenarija. Tež rozdźělne doby – čas nacionalsocializma, hospodarsce tradaca a towaršnostnje hižo drjebjaca so NDR 1980tych lět kaž tohorunja wostrózbnjenje zažneho 21. lětstotka přilubjene „kćějace kra­jiny“ nastupajo – słuža skerje jako ramikowy kolorit dyžli jako fundament. W srjedźišću steji cyle jasnje jenička wosoba, kotraž je wšě te podawki wosobinsce dožiwiła: Marja Symankowa (Majka Kowarjec). Wosebitosć sujeta pak je, zo njedožiwjamy stawiznu přez jeje woči, ale z wida jeje wnučki Hanki (Anna-Maria Brankačkec).

wozjewjene w: Kultura & wuměłstwo

Galerija

dalši wobraz (1) Kamor jako woknješko a durje do zańdźenosće: Młoda Marja (Julia Klingnerec) a Jakub Symank (Jurij Šiman) na swojim kwasu krótko do Druheje swětoweje wójny
Prošu přizjewće so, chceće-li komentar podać

nawěšk

  • Spěchowanski kruh za serbsku ludowu kulturu je 16. a 17. měrca mjeztym 28. serbske jutrowne wiki w Budyskim Serbskim domje wuhotował. Wiki běchu jara wuspěšne, tež nastupajo ličbu wopytowarstwa. Tule smy wam někotre fotowe impresije z wikow zestajeli

nowostki LND