Šešerjačk a Šešerjawka

pjatk, 27. měrca 2020
artikl hódnoćić
(0 )
Prěnjej wobrazowej knižce w serbskej rěči za šulske dźěći stej Šešerjačk a Šešerjawka, kotrejž bě Marko Smoler 1897 a 1899 wudał. Reprodukcije: Serbska centralna biblioteka Prěnjej wobrazowej knižce w serbskej rěči za šulske dźěći stej Šešerjačk a Šešerjawka, kotrejž bě Marko Smoler 1897 a 1899 wudał. Reprodukcije: Serbska centralna biblioteka

K stawizničce prěnjeju wobrazoweju knižkow w serbskej rěči

Šešerjawka

Trundlata a włosata,

Šešerjawka mazana,

Tajka Šołćic Kata běše,

Do šule rad njechodźeše.

Pře wšě płoty lětaše,

Přez přěrowy skakaše,

Na wšěch hozdźach wona běše

Staršimaj so njelubješe.

Hladaj, wok’ło hata je,

Wobłoženje sčinjene,

Na nje Kata zalěze,

Holčisko, to njedušne!

Ale ach, ow njezbože,

Překuli so do łuže!

Žaba wótře zarjechta

A so na bok wuchowa.


Woboje zawěsće znajeće!? ­Prěnjej wobrazowej knižce w serbskej rěči za šulske dźěći. Štó wšo njeje wo nimaj hižo pisał: ­Rudolf Jenč 1960 w „Stawiznach serb­skeho pismowstwa“, „wudawarjo“ 1988 w mjezysłowje k nowoćišćej SWW jako ćeńki zešiwk, w Płomjenju 1990 Hańža Winarjec-Orsesowa, M. J. Nuk a Jurij Łušćanski 1994 a 1995 w Serbskich Nowinach, ja sam a Hinc Nagel w Lětopisu 1995 a 2001, Ruth Thiemannowa, Rajner Janec a Ingrid Juršikowa w Serbskich Nowinach 1997, 2003 a 2004, Pětš Janaš 2000 w Frankfurtskej Struwwelpost a skónčnje Dorothea Šołćina 2004 w dosłowje k wudaću přebasnjenja originalneho Hoffmannoweho Struwwelpetera.

wozjewjene w: Kultura & wuměłstwo

Galerija

dalši wobraz (1) Nawěšk w SN z 12.09.1899
dalši wobraz (2) Nawěšk w SN z 13.11.1897
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND