Wo měnjacej so krajinje we Łužicy

pjatk, 24. julija 2020
artikl hódnoćić
(0 )
„Kubło Gižkojce (Gut Geisendorf)“ rěka fotowa serija Jürgen Maćija. Wona słuša k twórbam, kiž je Kulturna załožba Swobodneho stata Sakskeje lětsa kupiła a kotrež nětko we wustajeńcy „WIN/WIN“ zjawnosći předstaja.  Foto: Jürgen Maćij „Kubło Gižkojce (Gut Geisendorf)“ rěka fotowa serija Jürgen Maćija. Wona słuša k twórbam, kiž je Kulturna załožba Swobodneho stata Sakskeje lětsa kupiła a kotrež nětko we wustajeńcy „WIN/WIN“ zjawnosći předstaja. Foto: Jürgen Maćij

Sakska pokazuje nowokupjene twórby – mjez nimi fotowu seriju Jürgena Maćija

Raz so zemja zběhnje, raz so cyle měrnje rozpřestrěje a pokazuje hrajace barby. Kak je wudobywanje brunicy Łužicu změniło, to je Jürgen Maćij wuraznje zapopadnył. „Kubło Gižkojce (Gut Geisendorf)“ rěka fotowa serija, za kotruž bě so dźensa 67lětny Budyšan w lětach 2006 do 2019 přeco zaso na mjenowane kubło do braniborskeje Łužicy nastajał a je hromadźe z jamu fotografował. Cyle mały je pod pomnikoškitom stejacy dom w pozadku widźeć, mjeztym zo so wuhlowa jama Wjelcej-juh ze swojim wuwoznym mostom dale a bóle bliži. Tehdy kaž dźensa słuži dom jako zarjadowanska městnosć. Mjeztym je so hórnistwo zaso zminyło, na zbywacej zemi započina so zelenić a kćěć, trawa so we wětřiku koleba.

wozjewjene w: Kultura & wuměłstwo

Galerija

dalši wobraz (1) Hač do 30. awgusta hišće je wustajeńca „WIN/WIN“w Lipšćanskej předźerni bałmy přistupna. Foto: Silvia Stengel
dalši wobraz (2) Mólba „Gum“ Annedory Dietze, kotraž je so 1972 w Biskopicach narodźiła a nětko w Berlinje bydli Foto: Fritz Walter Huste
dalši wobraz (3) Z fotoweje serije Sabriny Asche: Ei Khine Zin. Best Hubo Co. Ltd.‘s dress, Myanmar 2017
Prošu přizjewće so, chceće-li komentar podać

nawěšk