Widźał, słyšał, napisał (10.09.18)

póndźela, 10. septembera 2018
artikl hódnoćić
(0 )

Awtor dźensa

Clemens Šmit

We wudaću SN tydźenja pisa kolumnist wo tym, kak by sej nimale wot ultrafana na měcu dóstał, dokelž je pěsnje FC Energije Choćebuza w Lipsku spěwał. To čitajo dyrbjach na Kamjenicu myslić. Wobaj přikładaj tworitej pokazku na to, kak prezentne njetoleranca, hida a namóc w dźensnišim času w našim kraju su. Tež sport při tym wěstu rólu hraje. Poprawom wšak chcych skerje wo tym rozprawjeć, kak hłuboko sahaja wliwy politiki do sporta. Tónraz pak je samo nawopačny fenomen wobkedźbujomny.

Kak daloko sahace móža sćěhi być, hdyž so pozdatne sportowe towarstwa znjewužiwaja, pokazuja sceny z Kamjenicy. Jenož hodźiny po smjertnym nadpadźe namołwješe zakazana prawicarska ultraskupinka tamnišeho koparskeho kluba internetnje k tomu, „pokazać, komu město słuša“. Štož slědowaše, běchu zdźěla randale, prawicarske rjejeńcy a nadpady na wukrajnikow. Policija zliči w běhu njedźele něhdźe 800 ludźi. Mobilizacija ultrafanow tworješe we wěstym nastupajo zazběh kołoběha protestow a demonstracijow, kotrež hač do dźensnišeho traja.

Prošu přizjewće so, chceće-li komentar podać

Serbska debata

nowostki LND