Widźał, słyšał, napisał (17.10.22)
póndźela, 17. oktobera 2022
621
E-Paper: Serbske Nowiny 201
-
wulkosć pisma
Schriftgröße verkleinern
Schrift vergrößern
Awtorka dźensa Halena JancynaBěše to pjatk, 7. oktobra 2022, – 26 825 fanow w nimale wupředatym Rudolfa Harbigowym stadionje w Drježdźanach – a jedna z nich běch ja. Ženje njebych sej mysliła, zo z telko ludźimi swoju prěnju koparsku hru w stadionje dožiwju. Znaju stadion, ale jenož wot adwentnych koncertow. Njewědźach pak prawje, što mje wočakuje a kak by atmosfera w stadionje na mnje skutkowała. Běch rozpjeršena. Koparska hra němskeje žónskeje wubranki přećiwo žonam z Francoskeje bě za mnje poradźena premjera. Duel běše dožiwjenje, kotrež tak spěšnje njezabudu. Wulkotna hra žónskeje wubranki a bombastiska nalada w stadionje. Samo swjećena dwójna třělča a kapitanka Alexandra Popp mjenowaše atmosferu „jednorje błudnosć“. Lena Oberdorf so při wothraću narodneje hymny přez cyłe mjezwočo směješe. Měsacaj po přěhratym finalu EM přećiwo Jendźelskej we Wembley-stadionje wuži team zwjazkoweje trenarki Martiny Voss-Tecklenburg čas po hrě za čestne koło a podźakowa so tak fanam. Přez stadion šwikny jedna la ola-žołma po druhej.
wozjewjene w:
Widźał, słyšał, napisał
Prošu přizjewće so, chceće-li komentar podać
