Widźał, słyšał, napisał (14.08.23)
póndźela, 14. awgusta 2023
440
E-Paper: Serbske Nowiny 156
-
wulkosć pisma
Schriftgröße verkleinern
Schrift vergrößern
Awtor dźensa Jan Hrjehor„Oooorrrrr nej, jedne borzdźidło přede mnu!“, rjekny młody kolesowar tydźenja na 1 390 m wysokosći na horje Kohlmais w Saalbach-Hinterglemmje w Awstriskej swojemu přećelej, kiž chcyše tež klewerny być a sej z čakanjom wjetši wotstawk k před nim startowacym towarškam a towaršam zdobyć. Poł mjeńšiny do toho bě sej wjednik něhdźe dwaceći młodych kolesowarkow a kolesowarjow přał, zo ma so posledni wotjězd před wobjedowej přestawku z wosebitymi hórskimi kolesami tak přewjesć, zo njenastanu žane njezboža, wšako je wobjed w korčmje skazany, a wšako je hłowny zamołwity chětro hłódny. Běch so pokornje za němskej skupinu stupił, dokelž wot přećela z Hnašec wědźach, zo njewotpowěduja barby w Sněhakowarskim cirkusu Saalbach-Hinterglemm w awstriskich Alpach woprawdźitym stopjenjam ćežkosće. Módra čara ma stajnje lochka być, potajkim tajke něšto za Jana Hrjehorja, čerwjena srjedźnej ćežkosći wotpowědować a čorna je stajnje něšto za profijow, tak kaž to při alpinskim sněhakowanju znajemy.
wozjewjene w:
Widźał, słyšał, napisał
Prošu přizjewće so, chceće-li komentar podać
